“Lemonn antye i dan pouvwar dyab.”—1 Zan 5:19.

“Garson Bondye in aparet, . . .  pour detri bann travay dyab.”—1 Zan 3:8, Nouvo Testaman.

I ed nou konpran akoz lemonn i dan problenm.—Revelasyon 12:12.

Nou annan rezon pour krwar ki lemonn pou vin pli meyer.—1 Zan 2:17.

Wi, pour omwen trwa rezon:

• Dominasyon Satan i pros pour ariv ver son lafen. Zeova i determinen pour met en lafen avek dominasyon Satan lo bann imen. I promet ki i pou “detri . . . dyab,” konpletman e repar tou bann domaz ki Satan in fer.—Ebre 2:14, Nouvo Testaman.

• Bondye in swazir Zezi Kri pour diriz lemonn. Zezi i konpletman diferan avek sa dirizan lemonn ki kriyel e egois. Konsernan dominasyon Zezi, Bondye i promet: “I pou pran lapenn pour sa dernyen dimoun ek sa enn pov . . . I pou liber zot avek vyolans ek lopresyon.”—Psonm 72:13, 14.

• Bondye pa kapab koz manti. Labib i klerman dir: “Bondye pa kapab manti.” (Ebre 6:18) Ler Zeova i promet pour fer en keksoz, i konmsi i’n fini fer sa keksoz! (Izai 55:10, 11) ‘Sef lemonn pou ganny zet deor.’—Zan 12:31.