Izai 63:1-19
63 Lekel sa enn ki pe vini sorti Edonm,Ki sorti Bozra dan en lenz gro kouler,*Sa enn ki’n met en zoli lenz,Ki pe marse avek en kantite lafors?
“Mwan menm mon sa, sa Enn ki pe koz avek ladrwatir,Sa Enn ki annan en kantite lafors pour sove.”
2 Akoz ou lenz i rouz?
Akoz ou lenz i parey lenz en dimoun ki kraz rezen dan preswar diven?
3 “Mon’n kraz rezen dan preswar diven mon tousel.
I ti napa personn avek mwan.
Mon ti kontinyen kraz zot dan mon lakolerE mon ti kontinyen pil pil lo zot dan mon gran lakoler.
Zot disan ti fann lo mon lenzE mon ti tas tou mon lenz.
4 Parski mon’n fini swazir sa zour pour mwan revanzeE sa lannen ki mon pou sov* mon pep in arive.
5 Mon ti gete me i ti napa personn pour ed mwan.
Mon ti sirprann ki personn pa ti vin ed mwan.
Alor, mon lebra ki ti sov mwan*E mon gran lakoler ki ti ed mwan.
6 Mon ti pil pil lo bann dimoun dan mon lakoler,Mon ti fer zot sou avek mon gran lakolerE mon ti vid zot disan ater.”
7 Mon pou koz lo bann keksoz ki Zeova in fer pour demontre son lanmour fidel,Bann keksoz ki Zeova in fer ki merit ganny loue,Pour tou sa ki Zeova in fer pour nou,Sa kantite bon keksoz ki i’n fer pour pep* Izrael,Parski i’n pran pitye pour nou e i’n demontre son gran lanmour fidel.
8 Parski i ti dir: “Sirman zot mon pep, bann garson ki pou reste fidel.”*
Alor, i ti vin zot Sover.
9 I ti soufer ler zot ti pe soufer.
Son prop mesaze* ti sov zot.
I ti sov* zot akoz i ti kontan zot e akoz i ti pran pitye pour zot.
I ti lev zot e anmenn zot pandan tou sa bann lannen.
10 Me zot ti rebele e zot ti fer son lespri sen sagren.
Alor, i ti vin zot lennmiE i ti lager avek zot.
11 Zot ti rapel letan lontan,Sa letan ki Moiz son serviter ti ankor vivan e zot ti dir:
“Oli sa Enn ki ti anmenn zot e fer zot sorti dan lanmer avek bann berze ki ti pe vey son troupo?
Oli sa Enn ki ti donn li Son lespri sen,
12 Sa Enn ki ti fer Son lebra for ed lanmen drwat Moiz,Sa Enn ki ti separ delo devan zotPour fer zot rapel son non pour touzour,
13 Sa Enn ki ti fer zot mars dan gro laroul,*Pour zot marse e pa tonbe,Parey en seval dan lakanpanny?*
14 Zis parey bann zannimo i desann dan laplenn* pour al repoze,Lespri sen Zeova ti fer zot repoze.”
Koumsanmenm ki ou ti gid ou pep,Pour fer ou ganny en non merveye.*
15 Ou ki dan lesyel, get anba,Ou ki anler dan lesyel kot i sen e kot i annan laglwar.*
Oli ou devouman ek ou lafors,Ou gran konpasyon* ek ou pitye?
Ou’n anpes mwan ganny tousala.
16 Parski ou, ou nou Papa.
Menm si Abraam i kapab pa konn nouE Izrael i kapab pa rekonnet nou,O Zeova, ou nou Papa.
Ou sa Enn ki delivre nou depi byen lontan e sa i ou non.
17 O Zeova, akoz ou les* nou kit ou bann semen?
Akoz ou les* nou leker vin dir, ki aprezan nou napa en gran respe pour ou?
Retournen pour ou bann serviter,Pour bann tribi ki ou leritaz.
18 Ou pep ki sen in reste laba pour en ptigin letan.
Nou bann lennmi in pil pil lo ou landrwa sen.
19 Nou’n viv pour tro bokou letan parey bann dimoun ki ou pa’n zanmen dirize,Parey bann dimoun ki pa’n zanmen ganny apele par ou non.
Bann not
^ Oubyen posibleman, “dan en lenz gro rouz.”
^ Oubyen “reaste.”
^ Oubyen “fer mwan ganny laviktwar.”
^ Literalman, “lakaz.”
^ Oubyen “ki pa pou trai mwan.”
^ Oubyen “Sa lanz ki ti devan li.”
^ Oubyen “reaste.”
^ Oubyen “delo profon.”
^ Oubyen “dezer.”
^ Sa pe refer avek bann gran landrwa plat ki antoure avek bann montanny.
^ Oubyen “en zoli non.”
^ Oubyen “zoli.”
^ Literalman, “Sa ki fer anndan ou bouye.”
^ Oubyen “fer.”
^ Literalman, “fer.”
