«Moʼkaron jombïʼmasamba awongaʼmarïkomba kïneiyamba.»​—Acts 24:15, New World Translation.

Opanaʼtomanomba moro amu oyapokuru oyasakarï ijoseʼpa opanarï rombïʼpotopa.​—2 Corinthians 1:3, 4.

Orombïrï oninyindoʼpapai oyïponoʼpoamba.​—Hebrews 2:15.

Amu taʼrono owoʼpoʼtopopa ekarishan, awongaʼmasamba oyasakarïkon maro oweijïpïa eropa.​—John 5:28, 29.

Eʼhe, aéroro oruwa otïkon poko:

• Opoto Papa hero omangno ekïrïnenïmbo. Charetarï ta Opoto Papa Jehoba tïkoʼma man «omangno yeinyo yoʼtopo» me. (Psalm 36:9; Acts 17:24, 25) Moʼko ijomboro omandonon ʼwa emamïrïkon ïnenïmbo jombïʼpopa ʼwa emamïrï eropa onïrïʼpïa roten yeijï kapïn ma.

• Penaro yako Opoto Papa ʼwa jombïʼmasan tawongaʼma yeíʼpyombo man. Opoto Papa Karetarï ʼwa tokarishe ma oruwa yopimyaʼpo amukon awongaʼmaʼpombo enï nono kuʼpo ro​—koromonokon, tambarakon, kariʼnyakon, woriyangon eropa. Amukonïmbo penatome watï tïromose mandon, oʼwín amu te okopaiʼmyeme kuriʼcha tïromose ma!​—John 11:39-44.

• Opoto Papa choʼpo neroten awongaʼmaseinyepa eropa ma. Choʼpo neroten romoʼno Jehoba atoʼkepa ma. Tïwoiyenonopïrï akono me kïneneyan. (1 Corinthians 15:26) ‹Kïnotaʼkarïkano› tïwoiyenonopïrï akono, romoʼnombo, utaʼkarïpïa poko. Kïnutaʼkanomba moro awongaʼmanomba pato. Choʼpo moʼkaron tïwonumingarï ta weʼchonon enepïʼmaseinyepa eropa man emamïrïkon enetoʼmepa eropa enï nono kuʼpo.​—Job 14:14, 15.