“Ahangköm Tölöök Inhānga Yin!”
2024 Könvensön më Vamënyen Yāvē
Öt ṙāyu • Öt havëka kūö tö kòleksön
Inlahen Minë Prōkrām
Friday: Vāyö vinënyö inlahen ang Yēsū nö in minë tö fën līpöre tölöök inhānga imat ngam Paipöl. Kūö yòh mihôiṅ inrē öi ṙātö-ellōnre tö nuk inlahen ò nö tökô-en, hēk asuh inrē öp haköplö hī öi in u?
Saturday: Asuh nuk tö-eūka inlahen Yēsū, inlahen finötnyö ò hēk inlahen ò nö nyīö? Kô-en nuk nö teungtökūö?
Sunday: Hěng min ngam minkahten lamökngörit in ngam Paipöl, ngam tö ngöh, “Kūö Yòh Öi Öt Pa-ekūö Pòrô öi Hang Nup Tötlöng Niūs?” Vënyu nang in min, in ngih minkahten tö yip tö lāku ṙôken tarik nö kūö yòh nö öt pa-ekūö pòrô nö ötlöng ngaich ngih panam, sön cha-a nö maheūkku tö nup yamih min ṙētak nö tövai.
VITIŌ TRAMA
Haköplö Hī Inuk Tinrīken Yēsū Hēk Tö Nuk La-en Ò: Episōt 1
Tökô-en nö Hanātö ngih Panam
Kô-en ngam finötnyö Yēsū nö pinngangkūö. Ōt pöri nuk tahëng inlahngen ò hē ò nö nyīö, pön hòṅ fëlngen ò ök töhěngtak rācha, lökten cha-a nö falngöre nö chuh Āikup tö nak yöng ò. Rěh ṙôkö hēk anga-aṅ, ngaich pingangkūö yik mahaköptö chööngö nö hang nuk ṙô ò nö vë-ekūö cha. Ōt nuk inrē tahëng inlahngen ò, hameuknyu min anū-ö nö in ngih episōt. Nët nun minë episōt ngih trama töhameuknyu min nö ip Friday hēk Saturday.
Meuk minë vitiō tö nòlhöt nö in ngih könvensön ing samyeūheu
Asuh Nup La-en Ih Öi El Minë Könvensön?
Mikahtökūöre man tö inlahen më Vamënyen Yāvē yěn kēken minë könvensön.
2024 Könvensön më Vamënyen Yāvē: “Ahangköm Tölöök Inhānga Yin!”
Mikahtökūöre in min tö nup haköpre öi in ngih könvensön ing samyeūheu.
Trēlör ngam Trama: Haköplö Hī Inuk Tinrīken Yēsū Hēk Tö Nuk La-en Ò
Ṙòkhöre in lohten akahakūö tö ngam inlahen finötnyö Yēsū nö pinngangkūö. Asuh pöri nuk inlahngen urěhkūö finötnyö ò hēk unôichrit e?