Bi yeneya na bôte be mbili ñyebe ba nye’e be kobô’ô mame Kalate Zambe a ye’ele. Bia yeme na môt ase a bili ngule ya bi mbunan ô sela’ane a éñwongan; a bi nji yemete bôte na be kañese miñye’elane miangan.

Éyoñe bia laane bôt ajô ya ñyebe, bia jeñe na bi toñe melebe ma jô na bi laane be a “nje’ebane minlem” a “woñ.” (1 Pierre 3:15) Bia yeme na bôte béziñ b’aye ke kañese ñye’elane wongan. (Matthieu 10:14) Ve bi ne te yem avale bôte b’aye nyoñe ñye’elane te, nge bi nji laane be. Bia yeme fe na bôte ba tyendé ane biyoñe bi né.

Bi tame jô na, môt a ne bo te bi éyoñe ya vô’ôlô wo den, ve akiti mia nye mi nga laan. A nde fe minju’u mife mi ne kui éyiñe bôt, mi ne bo na be kômbô vô’ôlô foé ya Kalate Zambe. Ajô te bia jeñe mezene mese na bi laane a bôte biyoñe bise.