2 Timothée 3:1-17
3 Ve ô yeme’e na, melu ma su’ulan, biyoñe bi ne ayaé a nju’u ya nyiñe bia ye bo valé.
2 Amu bôte ba ye bo benye’e bebien, benye’e moné, éngelezek, mebun, bekobô ébiasé, bone ba ye bo bebiaé bap melo, bôte ba ye bo bikalak, teke ba’ale élat,
3 te wô’ane mintaé, bôte metyama’ane, bôte bibôta, te yeme jôé bebien, évô, te nye’e mvaé,
4 bekoñe bôt, mbia nlô, mvusan a mebun, benye’e mimvôman a dañ abime ba nye’e Zambe,
5 be yené’é ane bôte ba kañe Zambe a nlem ôse atan, ve be kateya ngule Zambe; sa’ale’e avale bôt éte.
6 Bôte béziñe ya bebe ba funane bôte medu’an, bôte bete, a nsisime medu’an, ba nyiine menda mintete’e mi binga a binga be ne njalan a minsem a wube minleme miap, minkômbane ya minleme miap mia jôé binga bete.
7 Kom ése ba yé’é, ve teke môs éziñe be kuiya na be bi nya ñyemane ya benya mejôô.
8 Aval ane Janès ba Jambrès be nga wosane Moïse, avale te fe bôte bete ba ke ôsu a wosane benya mejôô. Avale bôt éte é nji yiane na Zambe a yene be mvaé, amu mame ba bo me nji wô’an a mbunan.
9 Ve ba ye ke ke ôyap, amu akute* dap da ye ñhe kôme yené be bôte bese aval é nga yené be bôte bete bebaé.
10 Ve wo ô nga kôme tôñe ñye’elane wom, fatan ényiñe jam, nsôñane wom, mbunane wom, ôjibi wom, nye’ane wom a mbane ya jibi wom,
11 bitibila’a a minjuk aval ane mi me nga tôbane mie Antioche, Iconium, lystre. Me nga jibi bitibila’a bite, a Tate a nga nyii ma mfa’a ya mame mete mese.
12 E nya ajôô, bôte bese ba kômbô nyiñe be bo’o Zambe ésaé a nleme wop ôse nlatan a Krist Yésus, be fe ba ye tôban étibila’a.
13 Ve mbia be bôt a bôte medu’ane ba ye tu’a bo bo abé, be du’u bôt a be du’ubane fe.
14 Ve wo, kele’e ôsu mfa’a ya mam ô maneya yé’é, a ma be nga volô wo na ô tu’a buni, amu ô ne tabe ndi a bôte be nga ye’ele wo me
15 aso mongô wo yeme mimfufube mintilane mite, mmie mi ne ngule ya bo na ô bo fe’e mfa’a ya nyiian a zene ya mbunane Krist Yésus.
16 Ntilan ôse wo so be Zambe, a ô ne mfi mfa’a ya ye’ele, mfa’a ya komekan, mfa’a ya sôane mame na me bo zôsô ne tiññ, mfa’a ya lep e zôsô été,
17 ndembene môta Zambe a ne bo nya atyeñe a nya nkômesane, mfa’a ya bo avale mbamba jam ase.
Notes
^ Nge ke, “akute mboone mam.”