4 Ye Zambe a nga té bia na bi tôbane minjuk?
Amu jé nsili ôte ô ne mfi?
Éyalane ya nsili ôte ja volô bia na bi sôane abo dulu dangan.
Tame fas
Ye môt a ne fek a ne kôme simesane na, Zambe a nga té si a mbamba be mam be ne été, a ne ngule ya té môt asu na a tôbane minjuk?
Behéden ba belane minju’u bone be bôt ba tôbane mie asu na be liti na Zambe a bisi ke bia, nge na a nji bo bo. Ba simesane na minju’u mi ne ndeme ja liti na (1) Zambe a nji bo ngule ya telé mie, (2) Zambe a nji bi nkômbane ya telé mie, nge ke na (3) Zambe a nji bo bo.
Ye bôte ba tôbane minjuk fo’o v’amu mam mete?
YEME’E ABUI MAM AFE
Yene’e vidéo a ne nlô ajô na Aval avé bi ne yeme na Kalate Zambe a ne benya mejôô? e jw.org.
Jé Bible a ye’ele?
Zambe a nji té bia na bi tôbane minjuk.
A yi na bi bu’uban ényiñ.
“Jam afe e nji bo be mvaé ve na, be va’ak, a bo mvaé nté be vee. Nalé fe na, mveane Zambe ô ne na, môt ase a ye di a nyu, a yen mvaé mfa’a ya ésaé jé ése.”—ÉCCLÉSIASTE 3:12, 13.
Zambe a nga ve Adam ba Ève mam mese me mbe me sili’i be, asu na be bo te tôban atañ nju’u éziñ.
A nji té be a mvoñe bôte jaba na be tôbane minjuk.
“Ane Zambe a nga botane be, a Zambe a nga jô be na, biaéane bon, a fôé, a yiane si nyô, a jôô je.”—METATA’A 1:28.
Adam ba Ève be nga nyoñe ntyi’an na ba bisi ki Zambe.
Akute mboan ete e nga so bebiene a mvoñe jap abui minjuk.
“Abé e nga zu si nyô amu môte wua, a awu e nga zu amu abé; a nalé awu e nga kui be bôte bese, amu bese be nga bo abé.”—BEROMAIN 5:12. *
Zambe a nji té môta binam a ngule ya wulu émien.
Fo’o ve avale môt a vo’o nyiñe mendime si, aval ete fe môta binam a vo’o nyiñ aval émien a yi.
“Ñyeman ô nji bo nleme môt été, ane a ye wulu zene jé.”—JÉRÉMIE 10:23.
Zambe a nji yi na bi tôbane minjuk.
A yi na bi bi fatan ényiñ é ne volô bia na bi sa’ale minjuk ényiñe jangan.
“Ngo’o nge ô nga vô’ôlô metiñe mam! Éyoñ éte mvo’é jôé é nga ye bo aval ane ôsôé.”—ÉSAÏE 48:18.
^ É.N. 17 Éyoñe Kalate Zambe a belan éfia “nsem” a belan éfia éte mfa’a ya liti na môta binam a nga bialé abé été.