Wosip
Olsem yumi tokbaot long stat blong magasin ya, plante man oli tingbaot Baebol olsem wan buk we oli yusum blong mekem wosip. Taem oli ridim Baebol mo folem ol advaes blong hem, oli harem se oli kam klosap long God, mo oli kasem save from wanem hem i givim laef long olgeta.
Baebol i talem se ol man we oli letem “tabu spirit” i lidim olgeta, oli gat gudfala tingting long laef. (Jud 18, 19) Oli no tingbaot blong kasem samting we olgeta nomo oli wantem, be oli traehad blong folem ol fasin we God i laekem.—Efesas 5:1.
HOP
RUL BLONG BAEBOL: “Sipos tingting blong yu i no strong long taem blong trabol, hemia i soemaot we yu yu no strong nating.”—Ol Proveb 24:10.
?I MINIM WANEM? Taem tingting i foldaon, yumi no gat paoa blong winim ol problem blong laef. Be hop i save mekem tingting i strong blong gohed. Taem yumi gat hop, yumi luksave se bighaf blong ol problem we yumi fesem oli blong smoltaem nomo, mo maet yumi luksave tu, wan gudfala samting we i kamaot from.
?YU SAVE MEKEM WANEM? Traem tingbaot ol gudfala samting we oli save kamaot long fiuja. I nogud yu wari long samting we maet i hapen, o yu wet blong evri samting i stret gud, be yu mas traehad blong kasem samting we yu putum tingting blong yu i stap long hem. I tru, ‘samting we yu no tingbaot’ i save hapen. (Prija 9:11) Be, blong talem stret, plante taem ol samting we i hapen i gud moa i bitim samting we yumi tingbaot. Taswe, Baebol i yusum pijatok blong man blong wokem garen, i se: “Yu mas planem ol kakae long garen blong yu long moning, mo long sapa tu, from we yu no save weswan bambae oli gru gud. Maet olgeta evriwan oli karem gudfala kakae, no narawan nomo i karem, narawan i no gat.”—Prija 11:6.
ANSA BLONG OL BIGFALA KWESTIN
RUL BLONG BAEBOL: “Plis yu givhan long mi blong mi savegud [ol rul blong yu] . . . Ol tok blong yu, hem i trutok.”—Ol Sam 119:144, 160.
?I MINIM WANEM? Baebol i ansarem ol kwestin we olgeta man oli askem, olsem:
-
?Hu i mekem yumi?
-
?From wanem yumi laef?
-
?Wanem i hapen long yumi taem yumi ded?
-
?Wanem bambae i hapen long fiuja?
Plante milian man long wol oli mekem laef blong olgeta i kam gud moa, taem oli stadi Baebol mo faenem ansa blong ol kwestin ya wetem plante narafala kwestin bakegen.
?YU SAVE MEKEM WANEM? Yu wan yu mas faenemaot samting we Baebol i tijim. Askem long wan Witnes blong Jehova blong i givhan long yu blong yu kasem save long Baebol. Lukluk ol samting long websaet ya jw.org, o kam long wan miting blong mifala, we i fri mo eni man i save kam.
SAM NARAFALA RUL BLONG BAEBOL
Wajem video ya ?From Wanem i Gud Blong Stadi Baebol? long jw.org. Hem i stap long bitim 880 lanwis
YU LUKSAVE SE YU NIDIM GOD.
“Olgeta we oli haremsave se oli nidim God long laef blong olgeta, oli glad.”—MATIU 5:3.
YU KASEM SAVE MOA LONG GOD.
‘Sipos yu lukaot God, yu save faenem hem. Hem i no stap longwe nating long yumi evriwan.’—OL WOK 17:27.
YU RIDIM BAEBOL MO TINGTING LONG HEM.
‘Ol man we oli glad blong folem Loa blong Hae God, mo oltaem oli stap ridim, mo oli stap tingting long hem long dei mo long naet, oli stap win long evri samting we oli mekem.’—OL SAM 1:2, 3.
Maet Yu Laekem Hemia Tu
ANSA WE BAEBOL I GIVIM
?Man We Spirit Blong God i Lidim Hem i Olsem Wanem? ?Hem i Mas Joen Long Wan Skul?
Luk tri rod blong lanem blong letem spirit blong God i lidim yu, mo fo rong tingting long saed ya.
WAJTAOA
?Olsem Wanem Baebol i Save Mekem Laef Blong Mi i Kam Gud Moa?
Buk ya blong bifo i tokbaot ol advaes we i waes.
