JW LIBRARY
Tendekeni Ukubomfya JW Library pa Android
Mwaiseni pa JW Library. Iyi app baipangila ku kutwafwa ukubelenga no kusambilila Baibolo. Pa kusanga ifyaba pali iyi app, bikeni umunwe wenu ku kuso kwa foni nelyo tabuleti yenu kabili muuseshe ukutwala ku kulyo nelyo tinikeni apali utumilaini tutatu pa muulu pa kona.
Baibolo
Tinikeni pali Baibolo pa kubelenga Baibolo nelyo ukukopolwelapo na yambi. Tinikeni pe buuku lya mu Baibolo na pa cipandwa pa kutendeka ukubelenga. Ilyo mulebelenga, kuti mwamona amafutunoti, amalembo ya pa kati e lyo ne fyo amaBaibolo yambi yalanda.
Pa kumona ilembo limbi, isuleni na kabili umusangwa Baibolo pa kuti mumone amabuuku ya mu Baibolo.
Impapulo
Tinikeni pa Impapulo pa kumona impapulo shonse ishabapo. Tinikeni pa lupapulo e lyo na pa cipande pa kutendeka ukubelenga. Ilyo mulebelenga, kuti mwamona na amalembo ayalimo. Tinikenipo pali ilyo ilembo pa kulibelenga. Tinikeni pe lembo pa kumona apo lifumine mu Baibolo.
Pa kwisula ulupapulo lumbi, isuleni na kabili umusangwa impapulo no kutinika apaleti Impapulo pa kuti mushimone shonse.
Ilembo lya Bushiku
Isuleni umusangwa fyonse ifya pa JW Library, kabili tinikeni apaleti Ilembo lya Bushiku pa kuti mulibelenge.
Pa Intaneti
Apalembwa ukuti Pa Intaneti e pasangwa amalinki ya ku mawebusaiti yesu.
Ifintu Ifipya Ifingamwafwa
Shininkisheni ukuti pali JW Library yenu pali fyonse ififwile ukubapo.
Cisuma ukubomfya tabuleti nelyo foni iikwete Android iingabomba bwino. Nga mulefwaya ukwishibilapo na fimbi, tinikeni pali iyi linki: https://support.google.com/nexus/answer/4457705.
Nga mulefwaya cilemwangukilako, kuti mwaya mu ma settings ya mu tabuleti nelyo foni no kuibika apa kuti ilemubikilamo iine ifipya. Nga mulefwaya ukwishibilapo na fimbi, tinikeni pali iyi linki: https://support.google.com/googleplay/answer/113412.
