Kan si Jesus yaon digdi sa daga, nagpahiling siya nin dakulang pagkamuot sa mga tawo, sagkod pa ngani sa puntong isinakripisyo niya an saiyang buhay para sa sainda. (Mateo 20:28; Juan 15:13) Sa dai na mahahaloy, papatunayan niya giraray an saiyang pagkamuot sa mga tawo paagi sa paggamit kan saiyang awtoridad bilang Hadi kan Kahadian nin Diyos tanganing ‘papunduhon an mga giyera sa bilog na daga.’—Salmo 46:9.

 Mangnuhon kun paano ilinadawan kan Bibliya an gigibuhon ni Jesus:

•   “Ililigtas niya an dukha na naghahagad nin tabang, siring man an hamak asin an siisay man na mayo nin paratabang. Mahihirak siya sa hamak asin sa dukha, asin an buhay kan mga dukha ililigtas niya. Sa pang-aapi asin sa kadahasan ililigtas niya sinda.”—Salmo 72:12-14.

 Paano ta maipapahiling an satuyang pasasalamat sa gabos na ginibo asin gigibuhon pa ni Jesus para sa sato? Sa Lucas 22:19, sinabi ni Jesus sa mga parasunod niya na girumdumon an saiyang kagadanan. Iyan an dahilan kaya kada taon, sa anibersaryo kan saiyang kagadanan, nagtitiripon an mga Saksi ni Jehova. Iniimbitaran mi ika na umiba samo sa pagselebrar kan Memoryal kan kagadanan ni Jesus sa aldaw nin Domingo, Marso 24, 2024.

Humanap nin Memoryal