Ɲanndra Mun 18:1-24
18 Sran ng’ɔ fɛmɛn i wun mantanman sran’n, like nga i ɲin blo su’n yɛ ɔ kunndɛ-ɔ.Ɔ kpalo ngwlɛlɛ m’ɔ yosa ye’n.*
2 Like nga be flɛ i sa wlɛ wunlɛ’n, sinnglinfuɛ’n bumɛn i like fi.Like ng’ɔ o i awlɛn’n nun’n, yɛ ɔ klo kɛ ɔ́ yí i nglo-ɔ.+
3 Kɛ klunwifuɛ’n o lɛ’n, finfin yolɛ’n o lɛ wie,yɛ kɛ be ɲin ase gualɛ’n o lɛ’n, ɲannzuɛn’n o lɛ wie.+
4 Ndɛ ng’ɔ fin sran nuan nun fite’n ti kɛ nzue mɔ i bo ti kploun’n sa.+Ngwlɛlɛ’n i bo’n ti kɛ nzue ba kun m’ɔ sonji’n sa.
5 Klunwifuɛ’n i sin jranlɛ’n timan kpa,+yɛ kusu sran ng’ɔ yo sa i nuan su’n i lufle bulɛ’n, ɔ timan kpa.+
6 Sinnglinfuɛ’n i nuan nun ndɛ’n fa ndɛnngan ba,+yɛ i nuan’n klɔklɔ utre.+
7 Sinnglinfuɛ’n i nuan’n kpɛ saɛ mɛn i bɔbɔ,+yɛ i nuan’n fɛ i nguan’n sie i wie nuan.*
8 Suɛn tɔnfuɛ’n i nuan nun ndɛ’n ti kɛ like fɛfɛ wie sa.*+Be mɛn i gla, kpɛkun ɔ tɔ be kunfle’n nun.+
9 Sran ng’ɔ di i junman’n nvɛɛ su’n,i niaan yɛle sran ng’ɔ saci like’n.+
10 Zoova i dunman’n ti kɛ sua fleiin dan kun sa.+Sran ng’ɔ yo sa i nuan su’n, ɔ wanndi kɔ lɔ, kpɛkun ɔ ɲan fiawlɛ.*+
11 Sikafuɛ’n bu i kɛ i aɲanbeun’n ti kɛ klɔ kun mɔ be sisili i wunkpa’n sa.I akunndan’n nun’n, ɔ ti kɛ talɛ kun m’ɔ sɛsɛ i’n sa.+
12 Tutre’n yɛ ɔ fa ɲrɛnnɛn’n ba-ɔ.+Yɛ wun ase kanlɛ’n yɛ ɔ fa aɲrunɲan’n ba-ɔ.+
13 Kɛ sran kun siemɛn i su tieman ndɛ’n naan w’asɔ su’n,i sɔ’n ti sinnzin, yɛ ɔ gua be ɲin ase.+
14 Sran kun i akunndan ng’ɔ bu’n kwla suɛn i bo i tukpacɛ’n nun.+?Sanngɛ wan yɛ sɛ i wla bo i wun’n,* ɔ kwla jran kekle-ɔ?+
15 Sran ng’ɔ wun sa wlɛ’n,ɔ si sa.+Yɛ ngwlɛlɛfuɛ’n sie i su naan ɔ́ sí sa.
16 Like nga sran kun fa cɛ’n, ɔ bo i ɲrun atin.+Ɔ fɛ i kɔ sran dandan’m be ɲrun.
17 Sran ng’ɔ dun mmua kɛn i ndɛ liɛ’n, ɔ waan i ndɛ’n yo fɛ,+kɛ kunfuɛ’n ba m’ɔ usɛ i nun kpa’n,* yɛ be wun i wlɛ-ɔ.+
18 Fɔtɔ tulɛ’n yo maan ndɛnngan’n wie,+yɛ ɔ kpɛ be nga be le wunmiɛn kpa’n be afiɛn ndɛ’n nun.
19 Be niaan nga b’a lo i ngasi’n, i kpatalɛ ti kekle tra klɔ nga i wun ti sisiwa kpa’n i utulɛ,+ndɛnngan wie ti kɛ like nga be fa tanndan fiawlɛ klɔ’n i anuan’m be sin’n sa.+
20 Sran kun i nuan nun ndɛ’n, ɔ́ yí i ku kɛ aliɛ sa.+Ndɛ ng’ɔ fin i nuan fite’n i nuan su like ng’ɔ́ ɲɛ́n i’n,ɔ́ jú i.
21 Wie’n nin nguan’n be o sran i nuan.+Be nga be klo ijɔlɛ’n, ɔ fata kɛ be sɔ i sin sa ng’ɔ́bá’n nun.+
22 Sran ng’ɔ ɲan bla kpa jɛ i’n, nn w’a ɲan like kpa,+yɛ Zoova i klun jɔ i wun.+
23 Yalɛfuɛ’n srɛ́ like-ɔ, ɔ srɛ i amanniɛn su,sanngɛ aɲanbeunfuɛ’n i liɛ’n, ɔ tɛ sran su ya su.
24 Janvuɛ wie’m be o lɛ’n, be sisiman be bo naan b’a yo be wiengu tɛ,+sanngɛ janvuɛ wie o lɛ’n, ɔ fɛ i wun mantan wɔ kpa tra ɔ niaan bɔbɔ.+
Ja ngua lɔ ndɛ mun
^ Annzɛ “Ɔ bu ngwlɛlɛ ng’ɔ yo sa ye’n i finfin like.”
^ Annzɛ “suɛ i nguan’n i wun aya.”
^ Annzɛ “like nga be mɛn i zrazra’n sa.”
^ Ebr., “be mɛn i su nglo.” Yɛle kɛ, kɛ ɔ o lɔ lɛ’n, be kwlɛmɛn i like fi yo.
^ Annzɛ “i akunndan’n sanngan mlɔnmlɔn’n.”
^ Annzɛ “niɛnniɛn i kpa’n.”
