Panurirang manang nabi ni Debata do si Johannes Pandidi. (Lukas 1:76) Sebelum abad na parjolo SM do ibana tubu jala mangolu sahat tu abad na parjolo M. Dilehon Debata do tugas tu ibana paradehon dalan tu Messias, manang Kristus. Jadi dipaboa si Johannes ma barita sian Debata tu akka halak Jahudi asa muba nasida.—Markus 1:1-4; Lukas 1:13, 16, 17.

 Alani barita na dipasahat si Johannes, gabe boi ma akka halak na tulus mamboto Jesus na sian Nasaret i do Messias na dijanjihon. (Mateus 11:10) Dijujui si Johannes do akka halak asa muba jala tardidi, na patuduhon naung bertobat nasida. (Lukas 3:3-6) Ala godang halak na dididi ibana, gabe digoari ma ibana si Johannes Pandidi. Jala Jesus ma halak na paling penting na hea dididi ibana. a—Markus 1:9.

Lao tabahas ma

•  Aha do na mambahen si Johannes Pandidi istimewa?

•  Ise do natua-tuana?

•  Ise do na mambahen ibana mate?

•  Marmusu do ibana dohot Jesus?

•  Piga halak do na margoar si Johannes di Bibel?

 Nungnga dipaboa hian aha na lao diulahon ibana: Tikki dipaboa ibana barita na uli, gabe saut ma hata ni Jahowa taringot ibana. (Maleaki 3:1; Mateus 3:1-3) Dipatudu ibana do na boi ibana ‘papunguhon sada bangso na rade lao manomba Jahowa’. Diurupi ibana do halak Jahudi asa rade manjalo barita na sian Jesus Kristus, i ma wakil utama ni Debata Jahowa.—Lukas 1:17.

 Upah na lao dijalo ibana: Didok Jesus, “Sian sude jolma na hea ditubuhon sahalak borua, dang adong na umbalga sian si Johannes Pandidi. Alai na ummetmet di Harajaon banua ginjang i, umbalga do sian ibana.” (Mateus 11:11) Dang holan sahalak panurirang si Johannes, alai “utusan” naung dipaboa Debata hian do ibana. Dang adong naposo ni Debata sebelum ibana na umbalga sian ibana. Sian hata ni Jesus boi ma taboto dang na lao mangolu di surgo si Johannes Pandidi. b Alana nungnga mate ibana sebelum diparade Jesus dope dalan lao mangolu di surgo. (Heber 10:19, 20) Alai lao gabe rakyat ni Harajaon ni Debata do ibana jala mangolu saleleng ni lelengna di Paradeiso di tano on.—Psalmen 37:29; Lukas 23:43.

 Si Sakaria dohot si Elisabet do natua-tua ni si Johannes. Sahalak malim ni halak Jahudi do si Sakaria. Alani mukjizat na dibahen Debata do si Johannes tubu. Alana, mandul hian do omakna jala “nungnga matua” ibana dohot si Sakaria di tikki i.—Lukas 1:5-7, 13.

 Raja Herodes Antipas do na mambahen gabe diponggol ulu ni si Johannes. Alana i do pangidoan ni istrina, i ma si Herodias. Sogo do roha ni si Herodias tu si Johannes, alana sai didok si Johannes do tu si Herodes maralo do tu hukum ni halak Jahudi perkawinan ni nasida.—Mateus 14:1-12; Markus 6:16-19.

 Dang hea didok di Bibel na marmusu si Johannes dohot Jesus. (Johannes 3:25-30) Takkas do dipaboa si Johannes, na lao paradehon dalan do ibana tu Messias, dang na lao bersaing. Alana didok ibana do, “Anggo au aek do hudidihon tu hamu . . . asa diboto halak Israel ise ibana.” Didok ibana muse, “Anak ni Debata do ibana.” (Johannes 1:26-34) Jadi tikki dibege si Johannes godang halak na mangihutton Jesus, las hian do rohana.