Baa Bibel i nla hôla we i niñ ni kon u u mal bé?
Ndimbhe i Bibel
Ñ. Djob a ntôñ ni bagwélél bé ba ba nkon. Di béñge jam Bibel i nkal inyu bagwélél ba Djob ba kôba. l nkal le: “Yéhôva a’ lédés nye ngii nañ kon.” (Tjémbi 41:4) Ibale u niñ ni kon u u mal bé, i maéba maa mana ma nla hôla we:
Soohe inyu kôhna ngui i hônba. U nla kôhna “nsañ u Nyambe,” u u ga suhus nduña yoñ, u hôla ki we.—Filipi 4:6, 7.
Bana loñge litehge li mam. Bibel i nkal le: “Ñem maséé u yé bañga matibla. Ndi ñem u nduña u mboñ le mut a nimis ngui.” (Bingéngén 17:22, MN.) I bana lem i jôha i nhôla we i héya mahoñol mabe. I yé ki loñge inyu mbôô woñ.
Bana botñem inyu dilo di nlo. Botñem i nla hôla we i bana maséé to ibale u niñ ni kon u u mal bé. (Rôma 12:12) I kaat Yésaya 33:24, Bibel i nkal le: “Mut nye ki nye a’ kal bé le: ‘Me nkon.’” (Yésaya 33:24) Djob a ga mélés makon bidokta bi nla bé mélés. Bibel i ntoñle bés le ndék ngéda biuni bi ga ba ha bé, i nkal le: “Nyuu yé i yila iloo kiki nyuu a bééna ngéda a bé mañge wanda, a témb a bana ngui a bééna nye mañge wanda.”—Hiôb 33:25, MN.
Yimbe le: U héya mahôla Djob a nti, Mbôgi Yéhôva i i nkon i nyéñ yak mahôla ma bidokta. Kiki di ta bé bidokta, di nti bé bôt maéba inyu ngim matibla. (Markô 2:17) Ndi di nwas le hiki mut a pohol mambe matibla a ngwés.