Ни өсөн кешеләр үлә?
Изге Яҙманан яуап
«Ни өсөн кешеләр үлә?» — тип уйланыу, айырыуса яҡыныбыҙҙы юғалтҡанда, бик тәбиғи. Изге Яҙмала: «Үлемдең ҡаяуы — гонаһ», — тип яҙылған (1 Коринфтарға 15:56).
Ни өсөн бөтә кешеләр ҙә гонаһлы һәм үлә?
Беренсе кешеләр, Әҙәм менән Һауа, Аллаға ҡаршы гонаһ ҡылған өсөн үлгән (Башланмыш 3:17—19). Уларҙың Аллаға ҡаршы күтәргән фетнәһе үлемдән башҡа бер нәмә лә килтерә алмаған, сөнки «йәшәү шишмәһе» Аллала (Зәбур 36:9; Башланмыш 2:17).
Әҙәм үҙенең бөтә тоҡомдарына камилһыҙлыҡ һәм гонаһ мираҫ итеп ҡалдырған. Изге Яҙмала былай тиелә: «Тәүге кеше — Әҙәм гонаһ ҡылғас, донъяға гонаһ үтеп ингән, ә был үлем килтергән һәм үлем бөтөн кешеләр араһында таралған, сөнки бөтөнөһө лә гонаһ ҡылған» (Римдарға 5:12). Бөтә кешеләр ҙә үлә, сөнки барыһы ла гонаһлы (Римдарға 3:23).
Үлем нисек юҡ ителәсәк?
Алла «үлемде мәңгегә юҡ итер[гә]» вәғәҙә бирә (Ишағыя 25:8). Ә үлемде бөтөрөр өсөн, уның сәбәбен, гонаһты, бөтөрөргә кәрәк. Алла быны Ғайса Мәсих аша эшләйәсәк. Ул «донъяның гонаһын Үҙ өҫтөнә» ала (Яхъя 1:29; 1 Яхъя 1:7).