Piwkeyechefengeaymi
¿Chem küdawtuafuiñ taiñ femal?
Kiñeke mu rume küdawngey ñi tremoletual kiñe kutran. Ka femngechi inchiñ rume küdawtuafuiñ taiñ weda rakiduamwenoal kakelu che mu. Fey ¿chem kelluafeiñmu?
Biblia ñi ngülam
“Fey itrokom mew eluwkülemün tamün piwkeyewal, fey tüfa ta rume küme dungu femngechi tamün kiñewküleal” (KOLOSENSE 3:14).
¿Chem küpa kimeltuy? “Iñche piwkeyecheken” piliyiñ, weda rakiduamwelayaiñ kidu engün mu, illamkawelayafiyiñ rume. Feymu piwkeyechefengeliyiñ, kelluaeiñmu taiñ doy kiñewküleal kakelu che mu.
Chem tami femafel
Rakiduamnge kiñe trokiñche tami müte küme trokinofiel, fey ka rakiduamaymi chem dungu mew kümelkayafuymi engün. Pichiken dungu mew pengelafuymi tami piwkeyeniefiel engün. Tüfa tami femafel:
Piwkeyechefengelmi, illamkachelayaymi
Kiñe ka tuwün che kintuyawle kiñe direccion, kelluafuymi tañi peal. Kafey miyawülmi micro mu, eluafuymi tañi anüal.
Feyti ka tripanche müte kim dungunole rume tami kewün, eluwnge tami pichi nütramkayafiel.
Kangentufilmi tañi femmeken ti ka tripanche, matu weda trokilayafimi.
Feyti che nütramkaelmu ñi chum duamkülen, kutrantupiwkeyeafimi.
