KIMELÜN 9
¿Chumngechi ayüwküleabüy tami pu che?
1. ¿Chemu am doy manelbalngi kurengeel chumngechi ñi eypin ley dungu?
Tati ayüwüngechi Chaw Ngünechen Jewba, kidu mu küpay pu kümeke dungu, ayüki tami pu che tañi ayüwküleal (1 Timotew 1:11, TNM). Kidu dewmay kurewen. Kurengele chumngechi ñi eypin ley dungu, chaw ka ñuke doy küme trengümabingu tañi pu püñeñ, beymu kom engün doy ayüwküleayngün. Tati pu inanekelu Jesu, mupitukingün ley dungu eypikelu ñi wirintukungeal pu kurewen. Papiltunge Luka 2:1, 4, 5.
Chaw Ngünechen eypi kiñe wentru ka kiñe domüche kurewle engu, mür müleayngu kom tañi mongen mu. Kidu eypi tati büta ka tati kure tañi epuñpüle kintuyawnol (Ebrew 13:4). Jewba üdekebi tati udatukelu (Malaquías 2:16). Welu tati büta kam tati kure ñiwachengele, kidu engu udawtuabüy ka wiñokurengetuabüy, eypi Jewba. Papiltunge Matew 19:3-6, 9.
2. ¿Chumngechi yenewabüy engu tati kurewen?
Jewba dewmay wentru ka domüche tañi welukentu kelluwal kurewen mu (Génesis 2:18). Tati büta longkoli tañi pu che mu, beymu une küdawabüy tañi yeneal iyal ka kimelabel tañi pu che Chaw Dio mu. Kabey newentuabüy tañi ingkaabel tañi kure. Kurewen yamuwpe ka piwkeyewpe engu. Welu mür engu yabkachebe ngingu. Beymu, kimle engu chumngechi ulpakünoal tañi yabkan, doy ayüwküleayngu. Papiltunge Efesio 4:31, 32; 5:22-25, 33, ka 1 Pedro 3:7.
3. Ayüwkülenolmi tami kurewen mu, ¿abtuabüy müten?
Tati kurewen niele wedake dungu, mür engu yabüluwayngu tañi küme yenewal piwkeyen mu (1 Korintio 13:4, 5). Chaw Ngünechen tañi Dungu, ngülamkelay pu kurewen ñi püntütripaal. Tañi küme elkünotual pu wedake dungu tañi nieabel, doy kümeabüy tañi mür mülekaal. Papiltunge 1 Korintio 7:10-13, TNM.
4. ¿Chem ayüki Chaw Dio pu püñeñ ngelu?
Jewba ayüki pu püñeñ tañi ayüwküleal. Beymu kimelkebi chumngechi doy ayüwküleabüyngün wechengen mu. Kabey kidu ayüki tañi inayentual ñi chaw ka ñuke, doy kimün nielu, doy tripantu mongelekelu am (Kolosense 3:20). Jewba ayüki pu püñeñ ñi bemal Kidu ka ñi Botüm tañi eypiel, bemngechi ayüwkülechi che ngeayngün. Papiltunge Eclesiastés 11:9–12:1; Matew 19:13-15, ka 21:15, 16.
5. Pu chaw ka ñuke, ¿chumabüy engün tañi kellual ñi pu püñeñ tañi ayüwküleal?
Chaw ka ñuke küdawki kom tañi newen mu tañi eluabel iyal, ruka ka takuwün (1 Timotew 5:8). ¿Bey müten pemay? Kabey kimelelbi piwkeyeabel ka inayentuabel Chaw Ngünechen (Efesio 6:4). Chaw ka ñuke inayentubalngele tañi piwkeyebel Chaw Dio mu, powabüy reke pu püñeñ tañi piwke mu. Elubilmi tami püñeñ tati kimün tripalu Chaw Ngünechen tañi Dungu mu, kelluneabimi tañi doy küme rakiduam nieal. Papiltunge Deuteronomio 6:4-7, ka Proverbios 22:6.
Pu püñeñ duamni tañi yabülngeal ka sakingeal tañi kümeke bemün mu. Welu kiñeke mu duamni tañi ngülamtungeal ka norümngeal, bemngechi kidu engün kiñepülekünoayngün wedake dungu (Proverbios 22:15). Welu lladkütu ngülamtulaabimi ka norümlaabimi tañi kutrankawnoal engün. Papiltunge Kolosense 3:21.
Tati pu Dungukelu Iñi Ngen Jewba dewmaki bentren libru chaw, ñuke ka pu püñeñ ngelu. Kom tübachi libru tuwi Biblia mu. Papiltunge Salmo 19:7, 11.
