KIMELÜN 5
¿Chem ayüki Chaw Dio tübachi Mapu mu?
1. Chaw Dio, ¿chumal dewmay Mapu?
Jewba dewmay tübachi Mapu pu che tañi müleam. Kidu dewmalay Adan ka Eva, tati unen kurewen, tañi müleal engu wenu mapu mu. Dewmabi pu werken püllü tañi müleal üyew (Job 38:4, 7). Jewba elkünoy unen wentru kiñe küme mülewe Mapu mu, Eden pingekebüy (Génesis 2:15-17). Beymu, kidu ka tañi pu püñeñ küpalu nieabüyngün abnochi mongen (umel mongen) ayüwün mu Mapu mu. Papiltunge Salmo 37:29, ka 115:16.
Welu, tati küme mülewe Eden mülekelabüy kom wall Mapu püle. Adan ka Eva nielu pu püñeñ apolabülu kom Mapu engün, bemngechi wall Mapu püle müleabüy tübachi küme mülewe (Génesis 1:28). Kom pu che mületuay Mapu mu, tañi ruka mu reke. Tati Mapu chumkaw no ume apümkangelaay. Papiltunge Salmo 104:5.
Pebinge tati video Chaw Dio, ¿chumal dewmay Mapu?
2. ¿Chemu tati Mapu kiñe küme mülewe ngewetulay bachantü?
Adan ka Eva mupitunobilu am Chaw Dio, wemünentungetuyngu Eden mu. Beymu, tati Küme Mülewe ngewetulay ka iñi no ume wiño dewmatulabi. Biblia eypi tübachi Mapu elkünongi pu wedake che tañi kuwü mu reke (Job 9:24). Papiltunge Génesis 3:23, 24.
¿Ngoymalpi may Jewba tañi ayüken kom pu che ngelu? Bemlay llemay, Kidu am kom newen-ngelu ka tañi dungu weda tripakelay (Isaías 45:18). Küpalechi antü mu, Chaw Dio küme elkünotuay pu che tañi mongen, chumngechi Kidu tañi ayün unen mu. Papiltunge Salmo 37:11, 34.
3. ¿Chumngechi wiño dewmatuay tati Küme Mülewe?
Jesu, Longko Ülmenkülele Chaw Dio tañi Ngünenien mu, kümeltuay Mapu tañi wiño küme mülewe ngetual. Jesu, pu werken püllü engün, apümkaabi Chaw Dio kom tañi pu kayñe kiñe weychan mu, Armagedon pingelu. Bey ula, rakümtukuabi Satana kiñe warangka tripantu mu, tati weda püllü koylatulbilu Adan ka Eva tañi mupitunol. Chaw Dio tañi pu poyekeetu apümkangelaayngün. Jesu ngüyulayu ka ingkaayu tañi abnochi mongen nieel Küme Mülewe mu. Papiltunge Apokalipsi 20:1-3, ka 21:3, 4.
4. ¿Chumül abay kutrankawün?
Chaw Dio apümabi kom wedake dungu ¿Chumül? Jesu eypikünoy chumngechi kimabüiñ chumül beychi antü epe powkülepay. Kom wedake dungu upa-upamekelu Mapu mu, apümabüy kom pu che, beymu kimiiñ taiñ mülen “kom mülechi dungu mapu mu tañi apümngeal” (Matew 24:3, Traducción del Nuevo Mundo [TNM]). Papiltunge Matew 24:7-14, 21, 22.
Jesu, wenu mapu mu, ngünenebi kom Mapu, bemngechi apümabi kom taiñ kutrankawkeetu (Isaías 9:6, 7; 11:9). Welu ngünenelaay müten, nentuñmaabi tañi yabkan pu piwkeyebilu Chaw Dio. Bemngechi, Jesu mu, Chaw Dio apümabi kom kutran, büchan ka lan. Papiltunge Isaías 25:8, ka 33:24.
5. ¿Iñi am müleayngün Küme Mülewe mu?
Trawünwe Ruka mu kimaymi pu che piwkeyebilu Chaw Dio ka küpa kimlu chumngechi bemal tañi piel
Kom pu che müngeltubilu Chaw Dio müleayngün Küme Mülewe mu (1 Juan 2:17). Jesu werkübi tañi inanekeetu tañi kintuabel kom pu che küme piwkengelu tañi kimeltuabel chumngechi tutengeal Chaw Dio mu. Bachantü, Jewba pepikanebi bentren warangka che tañi müleal Küme Mülewe mu (Sofonías 2:3). Tati pu che trawülukelu pu Dungukelu Iñi Ngen Jewba tañi Trawünwe Ruka mu, kom engün, pu chaw, ñuke ka pu püñeñ, poyekebingün Chaw Dio, kimingün tañi doy küme mongen yeneal ka inaal tati kümeke dungu mülelu Biblia mu. Papiltunge Miqueas 4:1-4.
