Ker pa Lubanga Obedo Gin Ango?
Iromo wacci obedo . . .
-
gin mo ma i cwinyi?
-
lok mo ata?
-
gamente ma i polo?
GIN MA BAIBUL WACO
“Lubanga me polo biketo ker mukene ma ri nakanaka ma pe gitwero balone.”—Daniel 2:44, Acholi Baibul.
“Gimiyo botwa latin laco; gibimiyo en tingo twero me loc i wi gwoke.”—Icaya 9:6.
BER PA LOK MAN PIRI
-
Gamente matir ma bikeli adwogi maber.—Icaya 48:17, 18.
-
I lobo manyen ma bino-ni, wabinongo kwo me yotkom ki yomcwiny.—Niyabo 21:3, 4.
TIKA ADA WATWERO GENO GIN MA BAIBUL WACO?
Watwero, olo pi tyen lok aryo:
-
Yecu onyuto gin ma Ker pa Lubanga bitimone. Yecu opwonyo lulub kore me lega ni Ker pa Lubanga obin dok ni kiti miti pa Lubanga i lobo kany. (Matayo 6:9, 10) Yecu bene onyuto kit ma Lubanga bigamo kwede lega meno.
I kare ma Yecu tye i lobo, en opito jo ma kec nekogi, ocango lutwo dok ocero jo muto! (Matayo 15:29-38; Jon 11:38-44) Macalo ngat ma bibedo Laloc me Ker pa Lubanga, Yecu onyuto gin ma Ker meno bitimone pi jo ma bibedo i te locce.—Niyabo 11:15.
-
Jami ma tye ka timme i lobo nyuto ni Ker pa Lubanga dong cok bino. Yecu otito ni ma peya Ker-ri okelo kuc i lobo, lobowa-ni bibedo ki lweny, kec ki oyengyeng.—Matayo 24:3, 7.
Waneno timme pa jami magi i kare-ni. Pi meno, watwero bedo ki gen ni Ker pa Lubanga bigiko pekki magi ducu.
TAM KONG
Kwo bibedo nining i te loc pa Ker pa Lubanga?
Baibul gamo lapeny meno i JABULI 37:29 ki ICAYA 65:21-23.
Itwero Bedo ki Miti i kom Lok Man
PWONY MA PIGI TEGO ME BAIBUL
Ker pa Lubanga Obedo Gin Ango?
I kare me tic me pwony pa Yecu, en opwonyo lok i kom Ker pa Lubanga makato lok mo keken. Pi mwaki mapol, lulub kore gulego pi Ker meno wek obin.
WI LUBELE
Ngo ma Ker pa Lubanga Bitimone?
Yecu onongo ngeyo ni Ker pa Lubanga keken aye obedo gamente ma twero cobo pekki ma i lobo-ni. Gin ango ma Ker meno dong ocobo ma twero weko wabedo ki gen?
WI LUBELE
Ker pa Lubanga—Gamente ma Camucana Pe Iye
Tye jami abicel ma moko ni camucana bibedo pe matwal i Ker-ri.
LOK MADOK I KOMWA
Pingo Omyero Ikwan Baibul?—Vidio Mabor
Baibul tye ka miyo lagam me lapeny ma pigi tego ma mako kwo pi dano milion mapol i but lobo ducu. In bene imito bedo ngat acel i kingi?
