I kare ma Yecu tye i lobo, en onyuto mar madit pi dano, tutwalle pi lucan ki jo ma cwinygi tye ka cwer. (Matayo 9:36) En bene omiyo kwone pi jo mukene. (Matayo 20:28; Jon 15:13) Cokcok-ki, en dok binyuto marre pi dano kun tiyo ki twerone macalo Kabaka me Ker pa Lubanga me giko can lim i wi lobo ducu.

 Baibul tito botwa gin ma Yecu bitimone:

•   “Myero kabaka owiny pido pa lucan dok ongol kopgi kakare, olar bene jo ma piny obwoyogi.”—Jabuli 72:4.

 Watwero nyuto pwocwa nining pi jami ducu ma Yecu otimo dok bitimone piwa? I Luka 22:19, Yecu owaco bot lulub kore ni gupo pi tone. Meno aye gin mumiyo mwaka ki mwaka, i nino tone kikome, Lucaden pa Jehovah gicokke kacel. Walwongi me ribbe kacel kwedwa pi kwero Nipo me to pa Yecu i Ceng Cabit, Marci 24, 2024.

Nong ka ma kibikwero iye Nipo