Nufen Nsi bʼa taʼ netô mve kamànyam. A nsi biagde tsemoʼ nufen, mbèn ngù mbe ze nekô Nsi bumde mve kamànyam, mba num nsitshaʼa. Nkùn mfà num Nufen Nsi bwô. Ndaʼndaʼ Nufen Nsi dunde nzi benntùn nyiañtù num neghù taʼ mbwô netô. A nsi tamde njoñ benntùn fa tse bo be ntswe num nsitshaʼ là.​—Siañ Daniel 2:44; Matio 6:9, 10; 24:14.

Taʼ nufen num ngù taʼ mven. Yaweh Nsi tshoʼ mèn i Yésu kristô nebe Mven Nufen se.​—Siañ Apokalipse 11:15.

Lôde la’de netshañ Nufen Nsi bʼa ke?

Mén Nsi be taʼ mbwô Mven à nummbʼa ghù bwôntù mbèn nkô nunetsine. (Matio 11:28-30) A bèn ngù neta yàme neywimde benntùn, nummbe a nsi tswe mve kamànyam nke ntô num nsitshaʼa. Mba a naʼ ndo num vù là, a koʼ mve kamànyam ntswe num bag bu tàab ze zwim num nebébe. (Héber 10:12, 13) Be miagde, Nsi fà ngùʼ yi netoʼde netô.​—Siañ Daniel 7:13, 14.

Taʼ kum bo tsiañ “ben nelàn” nà nsi tô bo Yésu mve kamànyam. (Daniel 7:27) Mbwe ben nelàn bo tshoʼ là naʼ mbʼa ghantum Yésu bo tsin nèn miagde là. Yaweh Nsi nèn mbwe netshoʼ bandum mba bènnzwi bo ghù bamntù là, mba ben nelàn nà kà nkum sènni. Mba Yésu là, bo nke ndo num vù à bo wut ywèle.​—Siañ Yohané 14:1-3; 1 Korintô 15:42-44.

 Benntùn bo nèn kamànyam bʼa njoñ ndùke? Yésu tsiañ yub “metsit bwoñ njùmbwe.” (Lukas 12:32) Boaʼ be miagde mbʼa 144 000. Bo nsi tô num njoñ nsitshaʼ fa boa Yésu.​—Siañ Apokalipse 14:1.

Nufen Nsi naʼ toʼde netô à num nguʼnjù 1914. * Mbwe faʼ Yésu mba mven nà, naʼ mbʼa nemaʼ Satan bo ywètkebwô tse num nsitshaʼa. Satan ya ntù, ntoʼde nesa ngeʼ num njoñ nsitshaʼ fa. (Apokalipse 12:7-10, 12) Netoʼde yen ngelañ nà, ngeʼ nke nènʼà be mbwe. Ntsho, nzikuʼu, ngokèt nzenze, tshaʼ nenyiʼde, bʼa ba bag taʼ “keki” zʼa tswhèt ndaʼde mbe ndaʼndaʼ Nufen tô num njoñ nsitshaʼ fa là.​—Siañ Lukas 21:7, 10, 11, 31.

Ntshùade njam faʼ nesoñ ntshob Nsi ntùm njù fa, Nufen Nsi tshwèt ntamde bwoñ benntùn bo fe ntùm ngô nzenze là. Ntshuʼ ntshuʼ ben nebétni tùʼ ghaziʼde nu Yésu. Nufen Nsi aʼ tshètte yub ngelañ zʼa biagde yen tshùagkèt njù li là. Ndùlala, njoñ benntùn fa tse bo kô nejù bin num Nufen Nsi là, ghù neziʼde nebe ghajuʼ ntshu Yésu.​—Siañ Apokalipse 7:9, 14, 16, 17.

Ngelañ nguʼnjù 1000, Nufen Nsi nsi ghù mbe nkwade mi mfà num benntùn nyiañtu fe netoʼde dunde. Nsitshaʼ fa nsi tùʼ taʼ paradis. Be miagde, Yésu baʼ Nufen tàab. (1 Korintô 15:24-26) O lèn taʼ mènntùn ze bʼo soñ i nu mfà num Nufen Nsi ké?​—Siañ Yobkwi 37:10, 11, 29.