Ingabe Izazi Ziyakholelwa Ukuthi Wake Waba Khona UJesu?
Izazi zinesisekelo esiqinile sokukholelwa ukuthi uJesu wake waba khona. Mayelana nalokho okwashiwo izazi zomlando zangekhulu lokuqala nelesibili leminyaka ngoJesu namaKristu okuqala, i-Encyclopædia Britannica, 2002 Edition, ithi: “Lokhu kulandisa okuhlukahlukene kubonisa ukuthi ezikhathini zasendulo ngisho nezitha zobuKristu zazingangabazi ukuthi uJesu wayekhona ngempela, okwaze kwaqala ukuphikwa ekupheleni kwekhulu le-18, phakathi nekhulu le-19 nasekuqaleni kwekhulu lama-20, futhi kungenazizathu ezanele.”
Ngo-2006 incwadi ethi Jesus and Archaeology yathi: “Asikho isazi namuhla esiphikayo ukuthi umJuda obizwa ngokuthi uJesu indodana kaJosefa wake waba khona; iningi livuma kugcwale umlomo ukuthi manje kuningi kakhulu esikwaziyo ngezenzo zakhe nezimfundiso zakhe eziyisisekelo.”
IBhayibheli libonisa ukuthi uJesu wayengumuntu ongokoqobo. Linikeza amagama okhokho bakhe nomkhaya wakubo. (Mathewu 1:1; 13:55) Linikeza namagama ababusi abadumile ababebusa ngesikhathi sakhe. (Luka 3:1, 2) Leyo mininingwane yenza abacwaningi baqinisekise ukunemba komlando weBhayibheli.
Okunye Ongase Ukuthande
IZIMFUNDISO ZEBHAYIBHELI EZIBALULEKILE
Kungani UJesu Afa?
Kungenzeka uke wezwa kuthiwa wafela izono zethu. Kodwa ingabe umnikelo owodwa ungazizuzisa ngempela izigidigidi zabantu?
INQABAYOKULINDA
Ingabe IBhayibheli Lisitshela Konke NgoJesu?
Ingabe singawakholelwa amaVangeli njengathembekile naqukethe umlando oyiqiniso wokuphila kukaJesu?
IMIBUZO YEBHAYIBHELI IYAPHENDULWA
Ingabe UJesu Wayengumuntu Nje Olungile?
Okwenza uJesu waseNazaretha waba nethonya kunabo bonke abantu abake baphila emhlabeni.
PHAPHAMA!
Intokazi EngumJuda Ichaza Ngokwayenza Yaphinde Yahlola Izinkolelo Zayo
Ibuphi ubufakazi obaqinisekisa uRacquel Hall ukuthi uJesu wayenguMesiya ayelangazelela ukufika kwakhe?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.