Ingabe UNkulunkulu Unendawo Ahlala Kuyo?
Impendulo YeBhayibheli
Yebo. UNkulunkulu unendawo ahlala kuyo—ezulwini. Cabangela la mavesi eBhayibheli:
Lapho ithandaza, iNkosi uSolomoni yathi: “Kwangathi wena ngokwakho [ungalalela] usemazulwini, indawo yakho yokuhlala emisiwe.
”—1 AmaKhosi 8:43.
UJesu Kristu wafundisa abafundi bakhe ukuba bathandaze ‘kuBaba osemazulwini.
’—Mathewu 6:9.
Lapho uJesu esevusiwe, wangena “ezulwini ngokwalo, manje ukuba abonakale phambi kukaNkulunkulu.
”—Hebheru 9:24.
Lawo mavesi abonisa ngokucacile ukuthi uJehova uNkulunkulu ungumuntu ongokoqobo nokuthi akahlali noma ikuphi, kodwa uhlala ezulwini kuphela.