Byej ga zu bi de nhuan

¿Bixhen Yeleunabia che Dios?

¿Bixhen Yeleunabia che Dios?

¿Unhaw dek nhaken...

  • ... de yo lu lhalldauchho?

  • ... tu de ka numbiachho?

  • ... tu yeleunabia de zua yaba?

BIBLIA SHNAN

«Doxen yelaʼchnabia che yellʼlion bach naken lo naʼ Xancho Diosenʼ naʼ lo naʼ Cristo [...] naʼ Diosenʼ zoakzeʼ chnabiʼe toli tokane.» (Apocalipsis 11: 15, Dižaʼ güen che Xancho Jesucristo, nyojen letr da shchinhe nella.)

«Naʼ Jesúsenʼ gakeʼ to bene blao [...]. Naʼ leʼ nabiʼe [...] toli tokane.» (Lucas 1: 32, 33.)

BI BANHEZ DZICHHO SHNEZECHHON

  • Nhaken tu yeleunabia de tuli de gaklhen tu tuchho (Lucas 11:28).

  • Ba zu galze, lhau tu yellʼlhiu kube gunhen ga zuachho mbalhaz nha bit utilellchho yillwe (Apocalipsis 21:3, 4).

¿WAKE SHEJLHECHHO KAN SHNA BIBLIA?

Wake, wiachho bixchen:

  • Jesús blhue bi de gun Yeleunabia che Dios. Blhueide bene sjezenhau leʼ dek yezenabe yide Yeleunabia che Dios nha gak kan chhaklhalle par Yellʼlhiu nhi (Mateo 6:9, 10). Lekseka blhue nhak gak den bezenabe.

    Kate Jesús bzue Yellʼlhiu bgawe bene lldun, beyunhe bene chhak yillwe nha benexjwe yelemban che bene ba bsat (Mateo 15:29-38; Juan 11:38-44). Lhawe leʼ gake Rey che Yeleunabia che Dios, guk blhue de wen de gun Yeleunabia nhi por yuge bene dzenhage chie (Apocalipsis 11: 15).

  • Den chhak nella shluen dek Yeleunabia che Dios ba zu galze yiden. Jesús wnhe dek ants yide Yeleunabia che Dios par yeyunhen wen Yellʼlhiu nhi, gatechwa udile, win nha bedxu (Mateo 24:3, 7).

    Nella shleichho chhak yuge de ki. Por len wak uxenlallechho dek ba zu galze Yeleunabia che Dios yekan yuge de ki.

BNHABDE KUINHO

¿Nhak gake yelemban chechho kate nabia Yeleunabia che Dios?

Biblia chhollin dan shnabe nhi le MATEO 5:5 nha 2 PEDRO 3:13.