¿Ullin lla kate yezeiban bene ba bsat?
¿Bi xbab chhunho?
-
Waken
-
Bit gaken
-
Wakejan
BIBLIA SHNAN
«Yosban Dios bene ka ba gosat.» (Hechos 24:15, Dižaʼ güen che Xancho Jesucristo, nyojen letr da shchinhe nella.)
BI BANHEZ DZICHHO SHNEZECHHON
Dios chheyuexhenhe chhio kate chhat tu bene chhekechho chie (2 Corintios 1:3, 4).
Bit llebellchho gatchho (Hebreos 2:15).
Shbezchho kate llin lla yezbanhe familh chechho o bene xmigchho ba bsat (Juan 5:28, 29).
¿WAKE SHEJLHECHHO KAN SHNA BIBLIA?
Wake, wiachho bixchen:
-
Dios bxie yuge den mban. Biblia shnan: «Dios chhue yelamban che yogolol bene, chhue legake bish grasyw nha chhue legake yogo bi da sjanhape» (Hechos 17:24, 25; Salmo 36:9). Shi leʼ bnexjwe yelemban che benach ka che beyixe, wake yezbanhe da yoble bene ba bsat.
-
Dios benexjwe yelemban che bene ba bsat. Biblia shnan dek kanhite xonho bene wat —bene byo, nhulhe nha bixkuide— beseinhite da yoble lhau Yellʼlhiu. Bale za beyullte bsate, nha tue ba guk tap lla gute (Juan 11:39-44).
-
Dios zelhalle yunexjwe yelenban che bene ba bsat. Jeoba shgeide yelegut lhawe nhaken tu «da bi chhon txen lhen leʼ» (1 Corintios 15:26). Zelhalle du yichj dulhalle yonhiten nha gunhen kate yezbanhe bene ba bsat. Chhaklhalle yeseinhite da yoble lhau Yellʼlhiu yuge bene nbek yichje (Job 14:14, 15).
BNHABDE KUINHO
¿Bixchen chhaxochho nha chhatchho?
Biblia chhollin dan shnabe nhi le GÉNESIS 3:17-19 nha ROMANOS 5:12.
Puede que también le interese
NHUXDE NHETO
¿Bixchen chheyale uzedchho Biblia?
Zan bene lla dolho Yellʼlhiu ba bezellelde le Biblia nhak chhollin de shnabde kuinhe. Chhaklhalleto uzedo lhen nheto Biblia par zio banhez.
