¿Noʼ Dios guirá lagary la? ¿Noʼ Dios ló guirá ni bisaʼbu la?
Mod rabexa la Biblia láani
Dios labúu rabiʼbu guirá ni noʼ né labúu raquiimbu xcalnadipbu mod nainy láabu (Proverbios 15:3; Hebreos 4:13). Per la Biblia diti rasuidy que Dios noʼ guirá lagary né noʼ ló guirá ni bisaʼ. Xalagary ngú náni que Dios nac toib espíritu né noʼ toib lagary ro rabésbu.
¿Ximod nac Dios?: Dios nacbu toib espíritu (Juan 4:24). Por ngú, ni toib buñgudxlio labúu rabiʼ láabu (Juan 1:18). Ló visiones ni rasetlaa la Biblia, Dios noʼbu toib lagary. Dipa rasetlani que noʼbu guirá lagary (Isaías 6:1, 2; Apocalipsis 4:2, 3, 8).
¿Pu lagary rabésbu?: La Biblia ná que Dios rabésbu lainy guibá, ndeʼ radudy diitz que diti noʼbu ló Gudxlio (1 Reyes 8:30). La Biblia ná que toibtica buelt ángeles «bidxin nisló Jehová», a ndeʼ raslooy que rabésbu toibtica lagary lainy guibá (Job 1:6).
Pal Dios diti noʼbu guirá lagary, ¿xí nigolúpa labúu ganbu naʼ la?
Labúu. Ná rabésbu toib lagary ro diti rabiʼno láabu, nigolúpa rioʼbu galrrasaʼ por buñ ni noʼ ló Gudxlio. Ragoʼbu cuent guiráno ni rasobdiitzno láabu né racnébu lóono (1 Reyes 8:39; 2 Crónicas 16:9). ¿Ximod raslooybu que rioʼbu galrrasaʼ por lóono né ranbu lóono?
Órni raninéno láabu: Jehová nimaca racadiag órni raninéno láabu (2 Crónicas 18:31).
Órni noʼ nabanno: «Jehová noʼ gaxtiguié de buñ ni cayoʼob xcalnabany; né ralaabu buñ ni nogoluʼ nabann» (Salmo 34:18).
Órni caquiinno toib consej: Jehová raquiimbu la Biblia par guisaníbu xpensaryno né conésbu lóono niis ro non saano (Salmo 32:8).
Mod rony pensary tipnés buñ
Tipnés buñ ná: Dios noʼbu ló guirá ni bisaʼbu.
Ni nigolú: Dios diti rabésbu ló Gudxlio nili toib lagary ro labúu rabiʼ buñ láabu (1 Reyes 8:27). Nantzayno que la Biblia ná que vitzón né guirá ni bisaʼbu «raslooyni xcalrradziguiaʼ Dios» (Salmo 19:1). Per ndeʼ diti radudy diitz que nabanybu ló guirá ni bisaʼbu, xomodca toib buñ ni ratié, diti nabanybu ló cuadro xtunybu. Ná scú, toib cuadro labúu guislooyni lóono ximod nac buñ ni bitié láani. Scúca guirá ni bisaʼ Dios raslooyni lóono cualidades ni napbu, xomod xcalnadipbu, xcalnanbu né xcalrronladxbu (Romanos 1:20).
Tipnés buñ ná: Pal diti noʼbu guirá lagary, radudyni diitz que diti napbu xiroʼ galnadip né diti nanbu guirá ni rac.
Ni nigolú: Espíritu santo nacni xcalnadip Dios ni raquiimbu par gonybu dxiin. Dios raquiimbu espíritu xtunybu par ganbu guirá ni rac né ronybu nitisi cós rotísi ór né nitisi lagary, diti fuerspa raquiin tzoʼbu lagarycu (Salmo 139:7).
Tipnés buñ ná: Salmo 139:8 raslooyni que Dios noʼ guirá lagary portín náni scareʼ: «Pal ñaʼpi lainy guibá, cú ñoʼlo, né pal ñaʼta lainy Baʼ, lagarycu láaca ñoʼlo».
Ni nigolú: Texto reʼ diti radudyni diitz que Dios noʼ guirá lagary, xalagary ngú rasienni lóono que Dios labúu gacnébu lóono rotísi noʼno.
a La Biblia ná que laa Dios ngú Jehová.
Sigory láaca sioladxlo ndeʼ
GALRRASUIDY NI DITI NAGAN
¿Noʼ Dios la?
Bisuidytzay prueby ni noʼ ni raslooy que noʼ razón par gonyno crer lóo Dios.
MOD RABEXA LA BIBLIA TIPNÉS GALRRANABDIITZ
¿Xí láani ngú espíritu santo?
Órni ritlaa espíritu santo ló la Biblia rioʼ ór rasetlani ndeʼ xomod «ña» Dios.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.