Tibuelt ló tobiz, ló guidopynac Gudxlio testigos xtuny Jehová né xidal guixoʼ buñ ni raruʼdo radopno par gonyno Memorial de xcalgoity Jesús, mod goniʼbu gonyno láani (Lucas 22:19). Lanii reʼ racnéni lóono guienno xigony nigolú rasac ni goity Jesús por buñgudxlio. Láaca racnéni lóono guibiʼno ximod raguiña xcalgoitybu lóono nigoreʼ né ló dzú ni sietra (Juan 3:16).

 Ná pal goyeelo Memorial íz reʼ o yaca, ¿ximod labúu gacné xcalgoity Jesús looy? Láacabu bisuidybu que raquiin gonyno chop cós ni nigolú rasac.

1.  1. Guisuidyno de Dios né de Jesús. Jesús gochbu ndeʼ Bixiosbu ni noʼ guibá ló toib oración: «Ndeʼ radudy diitz guibany buñ tipzó: que guimbuyibu looy toibguielot Dios ni nigolú, né guimbuyibu xiinlo Jesucristo ni bixelo» (Juan 17:3).

2.  2. Gonyno mod ni casuidyno. Jesús goleʼ loguiaʼ que raquiin gonyno guirá ni rasuidyno ló vida xtunyno. Por ejemplo, ro ma ralox, Sermón del Monte buny felicitarbu guirá ni racadiag xtiitzbu «né rony láani» (Lucas 6:46-48). Modcuca, stoib ór goniʼbu: «Nigoreʼ ni ma nanto guirá ndeʼ, dichós lóoto pal ronyto láani» (Juan 13:17).

 ¿Ñoladxlo ñanlo más de Dios né Jesús la? ¿Nainy looy ganlo ximod labúu gonylo né ni casuidylo la? Reʼ sieed tipnés cós ni labúu gacné looy.

 Mod rasuidydo buñ ni ná la Biblia ma gocnéni xidal buñ casuidy ni ná la Biblia né guisobyibu ni casuidyibu.

•   Goyee ló página, «Bisuidy la Biblia né xcalrracné stoib buñ», par ganlo más ximod rasuidydo buñ.

•   Bibiʼ video ni laa, Rabaladxdo ni ma guisuidylo la Biblia par ganlo ximod rasuidy testigos xtuny Jehová buñ.

 Testigos xtuny Jehová radopyibu chop buelt lainy xomal ló lagary ni laa Salones del Reino. Ló guirá reunión reʼ, ranido de la Biblia né ximod guisobno ni rasuidyni lóono ló vida xtunydo.

 Guiránac buñ labúu tzee ló guirá reunión reʼ; dipa fuers gaclo Testigo par guidoplo né lóodo. De acuerdo mod nac lagary ro rabéslo pentzi labúu guidoplo por videoconferencia o lainy Salón.

•   Ló video ni laa, ¿Ximod rac xireuniondo? Sabiʼlo ximod rac xireuniondo lainy Salón del Reino.

•   Goyee ló página, «Xireunión testigos xtuny Jehová» par guiyopylo toib Salón ni noʼ gaxca ro rabéslo.

 Noʼ xidal artículos né videos ló página reʼ ni labúu gacné looy par ganlo más ni bisuidy Jesús né balaati rasac xcalgoitybu.

 Por ejemplo, pal nainy looy ganlo ximod xcalgoity toibsi buñguieeu racnéni xidalguixo buñ, bíil artículos reʼ «¿Ximod ralaa Jesús lóono?» né «¿Por qué sufrió y murió Jesús?» o bibiʼ video ni laa, ¿Xigony goity Jesús?