¿Sanitló galrrioop la?
¿Nacapylo que...
-
... sanitlóni la?
-
... diti sanitlóni la?
-
... sigory sanitlóni la?
NI NÁ LA BIBLIA
«Dios [...] sasiá nís ni rareʼ bisalóto, galgoity ma diti sioʼni más, ma diti sioʼ ni guisac maláy, láaca ma diti sioʼ ni guicalas rudx, láaca diti sioʼ ni tudy ló galrrioop.» (Revelación 21:3, 4, Traducción del Nuevo Mundo.)
MOD RACNÉNI LOOY
Gantzaylo que Dios diti nap dool de guirá galnagan ni cadudylo ló (Santiago 1:13).
Guisaclo sacró ni Dios rien ximod rasaclo órni radudylo ló galrrioop (Zacarías 2:8).
Gapló esperanza que galrrioop nigolú sanitló (Salmo 37:9-11).
¿LABÚU GUILULADXNO NI RASUIDY LA BIBLIA LA?
Scú láani, nigoreʼ nosi guisetlano chop razón:
-
Dios rianladx galrrioop né ni diti rac xinésni. ¿Ximod gosac Jehová órni goyoʼ ni bianladx né buny mal xcudxbu? La Biblia ná que bioʼobni láabu órni «goyoʼ ni bunynaa» xcudxbu (Jueces 2:18).
Dios diti rioladx buñ ni ratuidy saʼ ló galrrioop. La Biblia ná que rianladxbu «ña ni raxú runy de stipnés ni diti nap dool» (Proverbios 6:16, 17).
-
Dios rioʼ ló galrasaʼ por tigaano. Diti nosi lóono rimbuno «galrrioop né galnabann» ni cadudyno lóo, láaca Jehová no’bu ló galrasa’ por tigaano (2 Crónicas 6:29, 30).
Por Gobierno ni Jehová nap guinitlóbu galrrioop ni cadudy buñgudxlio ló (Mateo 6:9, 10). Laʼga cabésno gac ndeʼ, nandxichno que Jehová randxiʼdotbu guirá buñ ni rayopy láabu né guidopy galnabany (Hechos 17:27; 2 Corintios 1:3, 4).
GONABDIITZ NDEʼ LOOY
¿Xigony raduidy Dios lagary tzó galrrioop?
La Biblia racapy galrranabdiitz reʼ ló ROMANOS 5:12 né 2 PEDRO 3:9.
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xigony radudy Dios lagary tzoʼ galrrioʼob?
Xidal buñ ranabdiitz xigony nogoluʼ galrrianladx né galrrioʼob ló Gudxlio. Ló la Biblia radzelno xigony nacni scú, né radudyni esperanza lóono.
DE LÓODO
¿Xigony guisuidyno la Biblia?
La Biblia cayacné a xidalguixo buñ ló guidopynac Gudxlio par guidzelyibu guirá galrranabdiitz ni más rony buñ. ¿Nainy looy gaclo toibtica de layibu la?
