Si gu ku mbatayo

Mo Rimi (opens new window)
Mo Gbata Apai Rogo JW.ORG

Ya Mo Agu Asangbaanebi du Tipa Masiya Ayuguhe Nga Yesu Angia Masiya?

Ya Mo Agu Asangbaanebi du Tipa Masiya Ayuguhe Nga Yesu Angia Masiya?

Gu karagapai nga ga Baibiri

 Ii. Ho Yesu adu ni auru kpotosende ane ko aima digiso dungu asangbaanebi nga gu nadu tipa “mbedimbedi ko, nga bazogo,” watadu Masiya nga bangbembatayo watadu Bakindo nika “du ni Batasi zegino.” (Daniere 9:25; 1 Yoane 4:14) Na zavura tingbafuo kpio Yesu, Ko aandu kindi kumbatayo kaa digiso agu asangbaanebi nadu tipa Masiya.—Atambuahe 110:1; Amokedi 2:34-36.

 Rogo gu fugo nga “Masiya” nga gine?

 Gu pa-Ebere, nga Ma·shiʹach (Masiya) na gu pa-Giriki nga Khri·stos (Kristo) si dunduko rogoyo nga ‘Mbedimbedi Boro.’ Sidu tie, “Yesu Kristo” rogoyo nga “Yesu nga Mbedimbedi Boro,” watadu “Yesu nga Masiya.”

 Ti agu aregbo i aake Baibiri ti ni, i anaauka nzeme kurii gu boro i nasia ni kafu kparakpara pagbia fu ni. (Pa Amotumo 8:12; 1 Samuere 16:13) Mbori ambedi Yesu ko du ni Masiya—nga gu bangiriba nga ga bakere pagbia. (Amokedi 2:36) Ono tie, kuba gupai nga Mbori mbedi Yesu ni nzeme, Mbori ambedi ko ni ziazia toro.—Matayo 3:16.

 Ya mo dungu aboro si aidi i digisi agu asangbaanebi dunduko nadu tipa Masiya?

 Oó. Ho mo awisigo agu asangbaanebi ni sirisiri dunduko du rogo Baibiri, si naringbisatihe kina kuti Masiya watadu Kristo. Ono tie, Baibiri nazahe nga ‘zire aKristo akura, na zire anebi, i ki yuyugu bakere apai i aina pai ti ni, na iiriwo apai; si ya du wa ka i ingisi siasia aboro i ingisi yo.’—Matayo 24:24.

 Ya mo si adu nga Masiya nika ye kumbatayo angianga ti gu regbo ko akuru ya?

 Oó. Baibiri agumba gupai kumbatayo nga Masiya nika ngia tita Bakindo Davide. (Atambuahe 89:3, 4) Ono tie, gu ga aYudo kekeapai nga gu naayugopa agene ngbatunga nga gu naandu koyo du Davide ni aima inga, si nawira gupai nga i aima gbarasapaha ti gu regbo aARomo azi Yerusarema rogo70 F.B.K. * Natona ti gu regbo re, boro ho narengbe ka ino nzunzu singia ko adu rogo gu gene ngbatunga yo nga ga Davide te. Kuba gure tie, gu kuru kekeapai nayugopa gene angbatunga re adu kinaho ti rago Yesu, boro ho sa zaatu dagba asogoko yo narengbe ka ti kango na gupai nga ko adu rogo gu gene ngbatunga nga ga Davide te.—Matayo 22:41-46.

 Bange asangbaanebi wai du rogo Baibiri tipa Masiya?

 Boro arengbenga nzunzu ka ino ndikidi bange agu asangbaanebi du tipa Masiya te. Ni kpiapai, agu agene i ageda asangbanebi rogoho ima rengba ka du ni bakiakia zavura rogo gu kekeapai du tipa Masiya. Gu kekeapai du rogo Yesaya 53:2-7 fura tipa dungu apapara pai nabipa Masiya. Gu kura aboro ima rengba ka geda gi kekeapai re naabaha ki ya si nga sangbanebi sa, agu akurayo ima rengba kaa geda ai apaparaha ni kina sangbaanebi.

 Bete agu Asangbaanebi Yesu adigisihe

Sangbanebi

Si rogo

Si adigisitihe rogo

Tita Abarayama

Bambata Pai 22:17, 18

Matayo 1:1

Tita gu wiri Abarayama nga Yisaka

Bambata Pai 17:19

Matayo 1:2

I nika vungako rogo gu ngbatunga nga ga Yuda du Yisaraere yo

Bambata Pai 49:10

Matayo 1:1, 3

Ko nika ye rogo gu gene zogarago yo nga ga Bakindo Davide

Yesaya 9:7

Matayo 1:1

Ngasu dee nika vungako

Yesaya 7:14

Matayo 1:18, 22, 23

I nika vungako Betereme yo

Mika 5:2

Matayo 2:1, 5, 6

I nika yamba rimoko nga Imanuere *

Yesaya 7:14

Matayo 1:21-23

Tonatona gako raka nika du wa ga rungorungo boro

Yesaya 53:2

Ruka 2:7

I nika imo rukutu agude tingbafuo vungako

Yeremaya 31:15

Matayo 2:16-18

I ayambako Ezipeta yo

Osea 11:1

Matayo 2:13-15

I ayambako nga boro Nazara *

Yesaya 11:1

Matayo 2:23

Bandusunge nika ndu mbatayo fuko

Maraki 3:1

Matayo 11:7-10

I nika mbeda ko ni Masiya rogo 29 F.B.K. *

Daniere 9:25

Matayo 3:13-17

Mbori nika idapa ko nga Wiriko nga ko

Atambuahe 2:7

Amokedi 13:33, 34

Ko nika du zaaza tipa ga Mbori bambu

Atambuahe 69:9

Yoane 2:13-17

Ko nika ngia batungusi wene pangbanga

Yesaya 61:1

Ruka 4:16-21

Gako sunge tungusapai gbaiga Gariraya yo nika ye na bakere imarago

Yesaya 9:1, 2

Matayo 4:13-16

Ko nikaa manga iiriwoapai wakina Moize

Pa Fu Rugute ni Ue he 18:15

Amokedi 2:22

Wakina Moize, ko ape ga Mbori aberãpai

Pa Fu Rugute ni Ue he 18:18, 19

Yoane 12:49

Ko ahusa dungu aboro be kaza

Yesaya 53:4

Matayo 8:16, 17

Ko agbenga berã aboro kutiko te

Yesaya 42:2

Matayo 12:17, 19

Ko ayugo nunga fu aguyo du rogo fudifudiapai

Yesaya 42:3

Matayo 12:9-20; Marako 6:34

Ko ayugo ga Mbori ruru sarangbanga

Yesaya 42:1, 4

Matayo 12:17-20

Ko nika du nga Baiiriwo Barugupai

Yesaya 9:6, 7

Yoane 6:68

Ko ayugo rimo Yekova fu aboro

Atambuahe 22:22

Yoane 17:6

Ko afura rogo sanza

Atambuahe 78:2

Matayo 13:34, 35

Ko nika ngia Bangbembatayo

Daniere 9:25

Matayo 23:10

Dungu aboro aidanga kuti ko te

Yesaya 53:1

Yoane 12:37, 38

Ko adu ni mbia kota

Yesaya 8:14, 15

Matayo 21:42-44

Aboro nika gindiga ko agindigo

Atambuahe 118:22, 23

Amokedi 4:10, 11

I nika soga ko zanga nduhe

Atambuahe 69:4

Yoane 15:24, 25

Ko nika rimo ku Yerusarema yo rii dongi na irisa

Zekaraya 9:9

Matayo 21:4-9

Rukutu agude nika tambuako

Atambuahe 8:2

Matayo 21:15, 16

Ko nika ye ti rimo Yekova

Atambuahe 118:26

Yoane 12:12, 13

Mbembedi bakureako nika kusako

Atambuahe 41:9

Yoane 13:18

I nika baga ko tipa asekere feda 30 *

Zekaraya 11:12, 13

Matayo 26:14-16; 27:3-10

Abakureako nika mbuko ambu

Zekaraya 13:7

Matayo 26:31, 56

I nika kitangbanga ko ni ziree

Atambuahe 35:11

Matayo 26:59-61

Ko aonga kii barangba akitingbangako

Yesaya 53:7

Matayo 27:12-14

I nika sukudako na sure

Yesaya 50:6

Matayo 26:67; 27:27, 30

I nika ta ko ti riko

Mika 5:1

Marako 15:19

I nika ta ko gii ko yo

Yesaya 50:6

Yoane 19:1

Ko azinganga kuti aguyo nikaa ta ko te

Yesaya 50:6

Yoane 18:22, 23

Abazogorago nika ta buro tipa ko

Atambuahe 2:2

Ruka 23:10-12

I nika banga ko kuti ngua na anaari

Atambuahe 22:16

Matayo 27:35; Yoane 20:25

Aboro aba ake ti gako baukadi

Atambuahe 22:18

Yoane 19:23, 24

I ageda ko ku dagba aboro ingapai

Yesaya 53:12

Matayo 27:38

I nika moma ko, ki nisenge ko

Atambuahe 22:7, 8

Matayo 27:39-43

Ko nika rungo tipa aboro ingapai

Yesaya 53:5, 6

1 Petero 2:23-25

Si nikaa ngera wa Mbori ima mbuko

Atambuahe 22:1

Marako 15:34

I nikafu kakaĩ imekakue fuko ko mbirihe

Atambuahe 69:21

Matayo 27:34

Gomoro ime nikaa mangako mbata fu ko kpi

Atambuahe 22:15

Yoane 19:28, 29

Ko afu toro ko fu Mbori

Atambuahe 31:5

Ruka 23:46

Ko afu tiko fu kpio

Yesaya 53:12

Marako 15:37

Ko nika fu motumo si di ingapai kusayo

Yesaya 53:12

Matayo 20:28

Ameme ko akitanga te

Atambuahe 34:20

Yoane 19:31-33, 36

I nika rũko ti vuko

Zekaraya 12:10

Yoane 19:33-35, 37

Aira kumuko nika kpisido ko

Yesaya 53:9

Matayo 27:57-60

I nika zingisa ko be kpio

Atambuahe 16:10

Amokedi 2:29-31

I nika sia kura boro kuba gu boro nika baga ko

Atambuahe 109:8

Amokedi 1:15-20

Ko asungo pati kumbabe Mbori

Atambuahe 110:1

Amokedi 2:34-36

^ par. 5 Gu Cyclopedia nga McClintock and Strong’s nape gupai nga: “Kapa ho du ti gupai nga agu awaraga i aakeka pa agene ngbatunga gbiati rii-akporo nga ga aYudo ku rogoho paha agberẽ ti gu regbo i agbarasi Yerusarema angianga mbata fuhe ya te.”

^ par. 40 Gu rimo nga Imanuere, du rogo pa-Ebere, rogoyo nga “Mbori du na ani,” si nasakapai tipa gu sunge Yesu nika mangaha ni Masiya. Pa du ko auru kpotosende ane na agu apai ko amangihe ayuguhe nga Mbori na kina Airisiko.​—Ruka 2:27-32; 7:12-16.

^ par. 52 Gu fugo nga “boro Nazara” si nawira gupai nga i adihe rogo gu pa-Ebere nga neʹtser, du rogo yo nga “ka zambua.”

^ par. 58 Ka mo aida ka ino kura dungu apai tipa gu tangaraapai nga ga Ziazia Kekeapai si atangaraha ti gene mangaha ringbisihe kuti agu aregbo agi apai re amangi ti ni nga gu nayugopa gu garã nga 29 F.B.K. ni gu garã Masiya aye rogoho, mo bi gu kekeapai nga “Wai ga Daniere Sangbanebi Agumba Paye Masiya.”

^ par. 127 Gi sangbanebi re rogo gu buku nga Zakaraya, wa vura duhe wo, gu bake Baibiri nangia Matayo aya ‘Yeremaya nagumbaha nga nebi.’ (Matayo 27:9) Si nangera wa gu buku nga Yeremaya i amoihe mbata rogo gu papara Ziazia Kekeapai i ayambaha nga “anebi.” (Ruka 24:44) Si nawira wa Matayo amangisunge na “Yeremaya” si rukuba gu papara abuku re naabaha dũ, nga gu naakoda gu buku nga Zakaraya.

Gere Ima Rengba a ka Ngba Tiro

NGBAÕBAMBU SINZIRI

YESU Gupai Ko Akpi ti Ni

AWAKE!

De ni Yudo Nasakapai Tipa pa Ndu Gupai Nasa ri ri Wisigi ga Ri Idapase

Gini gopai nasa Racquel Hall ri idi kuti gupai nga Yesu du nangia gu Masiya ri adigi ni pidi ko?

AGU AYUGOPAI NGA GA BAIBIRI

Mo Asadingo Wai Ani Wisigo Baibiri na Aboro

Mo wiriki Baibiri gbua zanga tumo tipaha na gu undo nga ga bayugupai.

AGU ASANAHE BAIBIRI AKARAGAPAI KUTI NI

Ya Mo Agu Asangbaanebi du Tipa Masiya Ayuguhe Nga Yesu Angia Masiya?

Zande
Ya Mo Agu Asangbaanebi du Tipa Masiya Ayuguhe Nga Yesu Angia Masiya?
https://cms-imgp.jw-cdn.org/img/p/502018132/univ/art/502018132_univ_sqr_xl.jpg
ijwbq kapi. 146