Nákaʼ kuealhoʼ banheza ki to to lección
Rkin nó kseedi lhen lueʼ publicaciónni. Waka inabalho kseedie lueʼ beneʼ bhene kioʼ folletoni o inabalho lo sitio ki internet kiendoʼ, jw.org.
TA NERHO
Blaba yogo párrafo. Nuaʼ bala ta yochhirha (A) kan textos zaa lo Biblia nakaka gasadoʼ (B) lé rbealawe ta rhontherhe bayochhi. Lhezekan zaa bala textos ga rnhe ulabalho.
TA URHOPE
Párrafo nerho ki sección rzilawe «kseedirha másrhe ki taní» rguixhajeʼ nobí kie ktzalaj (C). To to subtítulo rnhe ta nerhuatherhelawe (D). Blaba textos zaa lo Biblia, bochhiʼ ta rnaba na byo ka video (E).
Byo chhiadi ka imagen nuaʼ lhen ka rguixhajeʼ ki to to (F), na bhen kuenda nákaʼ yochhilhoʼ ga zuá «Balakeʼ rnheke» (G).
TA UYONE
To to lección rheyochhi lhen «Ta chi byedierha» kan «A rhanelho» (H). Bzua dzanha rheyochhi rseediloʼ to to lección. Ga zaa «Bzua gonlo kni» na inhe ta gon lueʼ yodarhi na gonlo ta zeaj ryedieloʼ (I). Ga rnhe «Byedie másrhe» na yidzelhilo artículos kan videos ta waka uyolho (J).
Nákaʼ yidzelhilo to texto lo Biblia
Yogo textos zaa ni, rnhe nákaʼ rzilawe libro lo Biblia (A), capítulo (B), lhen versículos (C). Kanho, Juan 17:3 rhenheinhe «libro ki Juan, capítulo 17, versículo 3».
