«Neca maʼ huaxiéʼ binni cayapa COVID-19, peru qué riníʼ diʼ nga maʼ zeʼ guendahuará riʼ. […] Ora gueeda sti pandemia, purtiʼ zazaaca ni, naquiiñeʼ chuʼnu listu» (Tedros Adhanom Ghebreyesus, director general de la Organización Mundial de la Salud, 22 de mayo de 2023).

 Stale binni ni gupa COVID-19 de yanna cayuninaruʼ ni xcuérpucaʼ ne xquendabiaanicaʼ. ¿Ñee ziuu ca gobiernu ne ca hospital ca listu ora gueeda sti pandemia la? O, ¿ñee zanda cueecabe ca guendahuará ni nuu yanna la?

 Biblia ná: «Dios ni nuu guibáʼ zucuí ti reinu» o ti gobiernu, ne gobiernu riʼ zacané laanu chuʼnu nazaaca (Daniel 2:44). Ne cadi nga si, Biblia laaca ruzeeteʼ «guirutiʼ tu cueza racá zaníʼ: “Huaraʼyaʼ”» (Isaías 33:24). Guiráʼ binni guibani lu Guidxilayú riʼ ziuucaʼ nazaaca, zápacaʼ stale stipa cásica ca ni nahuiiniʼ (Job 33:25).