Lu guidubi guidxilayú stale binni runi sentir nuu stubi ne qué gapa xhamigu. Caadxi expertu de salud guni’ca’ ti modo zanda gudxíʼlunu ca sentimientu riʼ nga ra gacanenu xcaadxi binni.

•   «Rapa xquendanabáninu sentidu ora racanenu xcaadxi, laaca racaneni laanu cadi guni sentirnu nuunu stúbinu ne guidxaaganu xcaadxi binni» (Institutos Nacionales de la Salud, de Estados Unidos).

 Racané Biblia laanu gánnanu xi gúninu para gacanenu xcaadxi. Ne ora rúninu cani racanécani laanu cadi guni sentirnu nuunu stúbinu.

 Bidii de ni nápaluʼ. Zanda gudiiluʼ de ni nápaluʼ, casi tiempu stiluʼ. Biyubi ximodo zanda guidxaagaluʼ xcaadxi ne chuʼluʼ gaxha de laacaʼ. Ora rudiiluʼ de ni nápaluʼ runi sentir xcaadxi dxandíʼ rizaaláʼdxiluʼ laacaʼ ne nga zacané lii gaca xhamíguluʼ laacabe.

•   Textu stiʼ Biblia: «Lagapa costumbre de gudiitu ne zudiicabe laatu» (Lucas 6:38).

 Biquiiñeʼ stipa stiluʼ para gacaneluʼ xcaadxi. Biyubi modo zanda gacaneluʼ ca ni cadxaagalú xiixa guendanagana. Casi ora gucaadiágaluʼ ne guiéneluʼ laacabe o bi’ni’ xiixa ni gacané laacabe guni sentírcabe galán.

•   Textu stiʼ Biblia: «Ti amigu ni dxandíʼ qué rusaana de gannaxhii» (Proverbios 17:17, Diego Ascunce).

 Pa racaláʼdxiluʼ gánnaluʼ ximodo zanda gápaluʼ ti buen amigu la? biindaʼ artículo ni láʼ «Chuʼnu galán né familia stinu ne ca xhamígunu».