LECCIÓN 02
Esperanza ni rudii Biblia laanu
Guiráʼ xixé binni rapa guendanagana, ne pur nga raca preocupar, riuu triste ne racaná ladxidóʼ. ¿Ñee nápaluʼ xiixa guendanagana la? Zándaca cayuniná ti guendahuará lii o guti tuuxa ni nadxiiluʼ, ne zándaca guiníʼ íqueluʼ pa zedandá dxi gaca chaahuiʼ ca guendanagana stiluʼ. Zatadxí ladxidoʼloʼ ora gánnaluʼ xi rusiidiʼ Biblia.
1. ¿Xi esperanza rudii Biblia laanu?
Biblia rusiene xiñee nuu stale guendanagana ndaaniʼ Guidxilayú riʼ, peru cadi ngasi, laaca nápani noticia galán para laanu, cayábini laanu maʼ cadi candaa zaluxe guiráʼ guendanagana rapa binni. Biblia rusiidiʼ cabeza xiixa galán laanu, «ti futuro ne ti esperanza» (biindaʼ Jeremías 29:11, 12). Racané ca promesa riʼ laanu gudxíʼlunu ca guendanagana ni rápanu ne cadi gusaana de chuʼnu nayecheʼ yanna ne para siempre.
2. ¿Ximodo ruzeeteʼ Biblia zabáninu despué?
Biblia rusiidiʼ maʼ cadi candaa «maʼ qué ziuuruʼ guendaguti, maʼ guirutiʼ qué ziuu triste, maʼ guirutiʼ qué zuunaʼ ne maʼ qué ziuuruʼ yuubaʼ» (biindaʼ Apocalipsis 21:4). Zaree guiráʼ guendanagana ni rucaa binni guni sufrir, maʼ qué ziuu guendapobre, injusticia, guendahuará nin guendaguti. Biblia ruzeeteʼ zabani binni ndaaniʼ Guidxilayú riʼ sin qué chuʼ dxi gatiʼ ora maʼ nácani ti paraísu.
3. ¿Xi zacané lii guni creluʼ ca promesa zeeda lu Biblia?
Stale binni ribeza gaca chaahuiʼ modo nabáninu, peru qué runi crécabe pa zedandá dxi gaca ni. Maʼ gadxé nga ca promesa ni zeeda lu Biblia. Zanda guni crenu ni pa guiduʼndaʼ chaahuinu Stiidxaʼ Dios (Hechos 17:11). Ra guiziidiluʼ ni ná Biblia, stúbiluʼ zudiiluʼ cuenta pa zanda guni creluʼ ni nani.
GUIZÍʼDIRUNU JMA
Guidúʼyanu chupa chonna de ca promesa ni zeeda lu Biblia ne ximodo cayacaneni xcaadxi binni.
4. Biblia rusiidiʼ zanda guibáninu sin qué chuʼ dxi gátinu ne maʼ gastiʼ zuchiiñaʼ laanu
Biiyaʼ guiráʼ promesa ni ruzeeteʼ Biblia. ¿Gunáʼ ni jma riuuláʼdxiluʼ? ¿Xiñee riuuláʼdxiluʼ ni?
Laguundaʼ ca textu ni zeeda cueʼ cada promesa ruzeeteʼ Biblia ne laiquiiñeʼ ca pregunta riʼ para güitu diidxaʼ:
-
¿Ximodo racané ca textu riʼ lii? ¿Ximodo rábiluʼ zacané ca textu riʼ familia stiluʼ ne ca xhamíguluʼ?
Bixuiʼlú guibániluʼ sicaríʼ:
|
GUIRUTIʼ... |
GUIRÁʼ BINNI... |
|---|---|
|
|
|
|
|
|
|
|
|
|
5. Zanda gacané esperanza ni rudii Biblia laanu
Stale binni maʼ biree gana o cadxiichi pur guiráʼ guendanagana napa binni guidxilayú. Stale tu runi stipa pur gunichaahuiʼ ca guendanagana napa binni. Biiyaʼ ximodo cayacané ca promesa zeeda lu Biblia stale binni. Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
-
Casi bihuinni lu videu riʼ, ¿xi qué ñuulaʼdxiʼ Rafika?
-
Neca qué niree ca injusticia ni ruuyabe, ¿ximodo gucané Biblia laabe?
Racané esperanza ni rudii Biblia laanu gudxíʼlunu ca guendanagana rápanu ne cadi guireʼnu gana neca qué gaca chaahuiʼ ni. Laguundaʼ Proverbios 17:22 ne Romanos 12:12, ne laiquiiñeʼ ca pregunta riʼ para güitu diidxaʼ:
-
¿Ñee rábiluʼ zanda gacané esperanza ni rudii Biblia lii guibániluʼ jma galán la? ¿Ximodo rábiluʼ zacaneni lii?
NUU TU NÁ: «¿Nanna pa dxandíʼ zaca ni ná Biblia yaʼ?».
-
Pa nuu prueba ni rusihuinni dxandíʼ zaca cumplir ca promesa zeeda lu Biblia, ¿xiñee galán guyúbiluʼ ni?
XI BIZÍʼDINU
Biblia rabi laanu zanda guibáninu nayecheʼ, ne nga racané laanu cadi guireʼnu gana neca nápanu guendanagana.
Xi biziidiluʼ
-
¿Xiñee caquiiñeʼ gapa binni esperanza?
-
¿Ximodo ná Biblia zabani binni despué?
-
Ra maʼ nánnaluʼ xi esperanza rudii Biblia laanu, ¿ximodo zacaneni lii?
BIIYAʼ XIRUʼ ZANDA GUIZIIDILUʼ
Biindaʼ ximodo zanda gacané esperanza ni rudii Biblia lii ora guidxaagaluluʼ guendanagana.
«¿Ximodo zanda guidxélanu esperanza?» (¡Gutaná! 22 de abril de 2004)
Biiyaʼ ximodo racané esperanza rudii Biblia ca binni ni napa xiixa guendahuará ni maʼ qué rianda.
«¿Ñee zanda gacané Biblia laanu gudxíʼlunu ti guendahuará la?» (Tema ni zeeda lu jw.org)
Ora maʼ cayuuyaluʼ videu riʼ, bixuiʼlú nuuneluʼ familia stiluʼ ndaaniʼ Paraísu ni ruzeeteʼ Biblia.
Biindaʼ ximodo bichaa esperanza ni zeeda lu Biblia xquendanabani ti hombre ni biyubi gaca chaahuiʼ guendanagana ni rapa binni.
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
