Éemse:

• Yéetel notaʼob

1. 1. Kex táaj nojche baʼaloʼob a beetmoʼ

   ta kʼab láaj yanoʼob, Dios Jéeoba.

   Tak u maas kaʼanlil le kaʼanoʼoboʼ

   jach ku pʼáatal chichan ta táan.

   Tu jaajil minaʼan junpʼéel lugar

   tuʼux jeʼel a kajtal mantatsʼeʼ.

   Kex beyoʼ tsʼoʼok k-beetik le najaʼ,

   k-kʼáatiktech ka kʼame, Jéeoba.

   (CHAN JAATS)

   Jach mix baʼaloʼon ta táan,

   teech a tsʼaamaj tuláakal.

   Chéen táan k-tsʼáaiktech le baʼaxoʼob

   tsʼoʼok a yáax síiktoʼonoʼ.

   (CORO)

   Táan k-kʼaay yéetel yaʼab kiʼimak óolal,

   utiaʼal k-tsʼáaiktech gracias, Jéeoba.

   Tumen teʼ naj tsʼoʼok k-beetik techaʼ

   yaan u beetaʼal baʼax uts ta tʼaan.

2. 2. K-ojel teʼ najaʼ yaan u yuʼubaʼal

   a kʼaabaʼ, Jéeoba, sáamsamal.

   Cada kéen ilaʼak le lugaraʼ

   yaan u taaktal u náatsʼal máak.

   Le oʼolal táan k-kʼáatik a wáantaj,

   tiaʼal mu tuʼubultoʼon xan lelaʼ:

   «tsʼoʼok u beetaʼal le jatsʼuts najaʼ

   tiaʼal u beetaʼal chéen baʼax a kʼáat».

   (CHAN JAATS)

   Naʼan uláakʼ jeʼex techeʼ,

   mantatsʼ táan a kanáantkoʼon.

   Toʼoneʼ k-tsʼíiboltik k-tsʼáaiktech

   le baʼax maas maʼaloboʼ.

   (CORO)

   Táan k-kʼaay yéetel yaʼab kiʼimak óolal,

   utiaʼal k-tsʼáaiktech gracias, Jéeoba.

   Tumen teʼ naj tsʼoʼok k-beetik techaʼ

   yaan u beetaʼal baʼax uts ta tʼaan.