JW LIBRARY
Yéey bix a kʼáat xook (Android)
Yaan baʼax jeʼel u páajtal a beetik utiaʼal u maas maʼalobtal a xook teʼ JW Libraryoʼ. Ken a jeʼekʼabt junpʼéel xook wa capituloeʼ, ta x-noʼoj tu kaʼanlil le pantallaoʼ tsolokbal le jejeláas baʼaxoʼob ku páajtal a beetkoʼ.
Utiaʼal a wilik baʼax uláakʼ ku páajtal a beetkeʼ péetsʼkʼabt le botón Más, le de óoxpʼéel puntosoʼ.
Teʼelaʼ yaan k-áantkech utiaʼal:
A kʼexik u idiomail
Jeʼel u páajtal a kʼexik u idiomail le baʼax táan a xokikoʼ.
Péetsʼkʼabt le botón Idiomas utiaʼal a wilik tiʼ baʼax idiomailoʼob yaan le baʼax táan a xokikoʼ. Le idiomaʼob maas ku meyajtechoʼ le kun yáax chíikpajloʼob. Tiʼ ken a wil xan le revista U Pʼíich Tulumil Kanan séeb u naʼataʼaloʼ. Jeʼel u páajtal xan a tsʼíibtik u kʼaabaʼ le idioma táan a kaxtikoʼ.
Wa maʼ a wéemsmaj le publicación ichil le idiomaoʼ yaan a wilik junpʼéel chan múuyal tu tséel. Péetsʼkʼabt le idioma utiaʼal a wéemsik le publicacionoʼ. Ken tsʼoʼokok a wéemsikeʼ yaan u saʼatal le chan múuyaloʼ. Péetsʼkʼabt tu kaʼatéen utiaʼal a xokik.
A nojochkíinsik u tsʼíibil
Jeʼel u páajtal a chichankúunsik wa a nojochkíinsik u tsʼíibileʼ.
Péetsʼkʼabt le botón Formato de la letra; ken tsʼoʼokkeʼ jutsʼ le chan punto utiaʼal a chichankúunsik wa a nojochkíinsik. Ken a péekseʼ tiʼ tuláakal le publicacionoʼob kun kʼexpajloʼ.
A wilik de foto wa de tsʼíib
Yaan xookoʼobeʼ jeʼel u páajtal u yilaʼal de fotoeʼ wa chéen de tsʼíib. Péetsʼkʼabt le botón utiaʼal a yéeyik bix a kʼáat a wiloʼ.
De foto: Le de fotooʼ ku yilaʼal jeʼex imprimirtaʼaniloʼ. Yaneʼ maas uts tu tʼaan u yilik de foto le publicacionoʼobaʼ, tumen jeʼex tu libroil le kʼaayoʼ, ku páajtal u yilaʼal tak u notasil paaxiʼ.
De tsʼíib: Wa ka wilik de tsʼíibeʼ jeʼel u páajtal a jeʼekʼabtik le tekstoʼoboʼ yéetel yaan a wilik le bukaʼaj nojchil a tsʼaamiltiʼoʼ.
A jeʼekʼabtik ich Internet
Wa ka péetsʼkʼabtik Abrir en... yaan u kʼáatiktech wa taak a wilik bix yanil ich uláakʼ aplicacionoʼob.
Ken a péetsʼkʼabteʼ yaan u yeʼesiktech tuʼuxoʼob jeʼel u páajtal a jeʼekʼabtik le baʼax táan a xokikoʼ. Por ejemploeʼ jeʼel u páajtal a péetsʼkʼabtik Abrir en BIBLIOTECA EN LÍNEA utiaʼal a xokik teʼ BIBLIOTECA ICH INTERNET tiʼ le Watchtoweroʼ.
A yéeyik le Bibliaʼob a kʼáat a xokoʼ
Ken a péetsʼkʼabt junpʼéel teksto ichil le publicacionoʼ yaan u jeʼepajal. Yáanal le tekstoʼob jeʼepajoʼ péetsʼkʼabt le botón Personalizar utiaʼal a yéeyik máakalmáak tiʼ le Bibliaʼob a kʼáat ka jeʼepajkoʼ.
Péetsʼkʼabt le botón Añadir wa Quitar utiaʼal a tsʼáaik wa a luʼsik le Bibliaʼoboʼ. Jutsʼ le Bibliaʼob kaʼanal wa kabal utiaʼal a tsolkoʼob jeʼex a kʼáatoʼ.
Ilawil «Éems le Bibliaʼob kun meyajtechoʼ (Android)» utiaʼal a wojéeltik bix jeʼel a tsʼáaik uláakʼ Bibliaʼob teʼ JW Libraryoʼ.
Le baʼaxoʼob ku yaʼalaʼal teʼelaʼ tiaʼan teʼ JW Library 1.4 jóoʼsaʼab febrero tiʼ 2015, ku meyaj yéetel u versionil Android 2.3 wa uláakʼ maas túumben. Wa maʼ tu meyaj jeʼex u tsoʼolol teʼelaʼ, beet baʼax ku yaʼalik le xook «Meyajnaktech JW Library (Android)», yáanal le joʼol xook Túumbenkunse.
