Tè ngueô’ é ghô néung-è lé’é mbou mii?
O kwang nguè . . .
-
hmm?
-
ngang?
-
kè a ghô mô’é?
BIIBLE TSÔ’ NGUÈ:
‘Ndem shi’ ntsi’né nkwa ntshi méneuk môp, lekwheu a lézèt, ngueô’ é lézèt, lélaa lézèt, gning-è lézeung njou’ tépông-ô.’—Révélation 21:3, 4, Contemporary English Version.
NTSÔ’Ô JIÔ MÈT GHÔ KUITÈ WOU LEZHÈ NGUÈ
Ndem mè té gheu pouô ménông jiô ngueô’ô.—Jacques 1:13.
O nông-ô jiô ngueô’, a zang-a Ndem.—Zekaria 2:8.
O nông-ô nang-a, o zhè nguè ngueô’ shi’ pou mii.—Psaumes 37:9-11.
TÈ MPÈ GHÔ VEUNG-È AJOUMI BIIBLE LEU?
Hmm! Métsoo mèmbia ghô kuitè yimpè:
-
Ndem té ngueô’ kông, tè mbô ajoumi té ndeung-ndeung-è. Jiô nteu Biible pa’ Joovah Ndem lé nông-ô njou’ô poup éfœu’ zi ala’a zi, Israèl a lè nteu ménguengue. Biible leu nguè a lé tsaa wôp éfœu’ zi meghang mbo pôp é lé nông-ô nguia wôp ngueô’.—Juges 2:18, Traduction du monde nouveau.
Ndem pou té kông pouô pi é gheu mô’ pouô jou’ tépông-ô. Biible leu nguè Ndem a paa gning yi a pfèté métshie mô’ gning.—Proverbes 6:16, 17.
-
Ndem kông, mbing nkaptè awuè-wuè. Gning nông nda’ mè té zhè “méfeng mii mbô ajoumi a zang-a yi.” A jouô nông-ô nzang-a gning Joovah zhè zi!—2 Chroniques 6:29, 30.
Éfœu’è si mbaatè zi Joovah shi’ lôk Léfô tsi é gheu ngueô’ pouô métseum pou mii. (Matthieu 6:9, 10) É mbing ngué zu’té éfœu’ mèt, A nè ya’a, é nông-ô seumtè pouô pi si fa’a yi mé nteu mbông.—Actes 17:27; 2 Corinthiens 1:3, 4.
O GHÔ FA’ NTSÔ’Ô ANÈ NZÈTÉ JIÔ
Ndem té gheu ngueô’ pou mii tsetsông-ô mela’akô?
Biible tsô’ nzèté jiô mèt a nteu ROMAINS 5:12 mbô 2 PIERRE 3:9.