Ménfènè pi é tsang métchou’té meuk é té si ngô pa’ méfalla, mè ping té wôp pè. Pa’ a lè poup anè atchou’té mvhô ngou’ nkhœu la, mè tsô’ pômbang-a pi pô kông-ô Joovah tè’ mbing ngwuè atshuè mbông nguè “pô tsang-a atchou’té Ndem.” (Actes 20:28) Ménfènè mèt é si ngô épouô pi é teueté anè nkô’ô ajwakné nzeung ntshiè a mvhô anè afa’ Lefô mbing ntsang-a atchou’té. “Pô té ghôk pa’ mè si ngôô wôp ghôô la, pô lôk nteu mbông pô ndeung-ndeung té ngôk a mbou Ndem, té zèté nguè mè piè wôp.” (1 Pierre 5:1-3) Pô kuitè yimpè anè éwuè éshheu?

Pô tchiitè weuk nzeung nkaptè weuk. Ménfènè é tsang, nkapté, mbing nkuité épô mémia a nguia atchou’té, a léku’né nzhè Joovah. Pa’ pô zhè nguè Joovah mè lé tseuknè mia afa’ jiô mèt a mbou pôp la, pô té kô’ énangté a athouô peukè; pô lèè fa’ méshheu a légheu mpeukè jou’ô mbông-ô, nzeung ngô mé lékak. (2 Corinthiens 1:24) Pa’ mbông nfènè yi a tchiité éwuè njinjheu zi la, ménfènè pou fa’ méshheu a lézhè éwuè meung-môô lè yi a nguia atchou’té.​—Proverbes 27:23.

Pô zi’nè weuk a légheuè ajoumi Ndem a si nkông-ô. A nkwa méngap-ala’, ménfènè é tsang-a atchou’té ndôk ngheu aveung-è nteu zeuk a teueté. (Actes 15:32) Pômbang-a pouô mèt é tshiè a mvhô anè afa’ Lefô, ngôk pô peuk, ndôk nzi’nè weuk méshheu té nzaa a lélôk mbheu nkeu Lefô.

Pô tswhi seumtè awuè-wuè. Létôôtè awuè-wuè anè éshheu ajwakné mè tshouné ménfènè a léshi’ a mbaa peuk kèè a nguia atchou’té lè, ndôkô ashoung-nè Ndem éseumtè weuk, nzeung nkuitè weuk a légheu léssoo tseuk pô Joovah é teueté.​—Jacques 5:14, 15.

Ntôk métsoo mi pô gheu a nguia atchou’té, lélœuè ménfènè é wè méfa’ môp mbing nzeung mbôngtè wôp a létchiitè atseung-è nguia zôp. A ping nzètè wôp njheu mbô a léneung nteu wôp ntseum. Pa’ épô mémia pouô mèt é ghôk tè’ la, a zèté nguè mpè wou’tè wôp.​—1 Thessaloniciens 5:12, 13.

• Ménfènè é ghôkô aziè afa’ a nguia atchou’té?

• Pô kuitè awuè-wuè a nnô peuk é lèkô?