“Got e . . . bay i n’ag urngin e lu’ u owcherad. Ma aram e dab ku unim’, ma dab ki i kireban’uy, ma dab ku un yor, ma dab ku un amith.”​—Revelation 21:​3, 4.

Gad ra nang ni gathi Got e ir e be k’aring e pi magawon ni gad be mada’nag.​—James 1:13.

Ra fel’ lanin’dad ya kad nanged ni ma lemnagdad Got u nap’an ni ke yib e gafgow ngodad.​—Zekariah 2:8.

Bay e athap rodad ni bochan ni kad nanged nra chuw urngin mit e gafgow.​—Psalm 37:9-11.

Arrogon, ya bay l’agruw i fan:

• Dabun Got ni be guy e girdi’ ni be gafgow, maku dabun e tin nde mat’aw ban’en. Mu lemnag rogon laniyan’ Jehovah Got u nap’an ni i guy e girdi’ rok kakrom ni ur gafgowgad. Be yog e Bible ni i runguyrad ni bochan e “ur gel’gel’gad u fithik’ e gafgow nge togopluw ni i tay e pi toogor rorad ngorad.”​—Judges 2:18, BT.

  Ma fanenikay Got e piin ni yad ma gafgownag boch e girdi’. Bod ni, be yog e Bible ni ma fanenikay Got e “paef ni ma thang e pogofan rok e girdi’ ndawor ra bucheged ban’en.”​—Proverbs 6:16, 17.

• Ma lemnagdad Got ni be’ nge be’. Gathi kemus nra bagadad “ma manang e magawon rok ara amith ni be tay,” ya ku arrogon Jehovah!​—2 Kronicles 6:29, 30, BT.

  Dab ki n’uw nap’an me chuweg Gil’ilungun Got e gafgow ni gad be tay. (Matthew 6:9, 10) Machane chiney ndawori tabab Gil’ilungun ko gagiyeg e ma fal’eg Got laniyan’ e piin ni yad be gay.​—Acts 17:27; 2 Korinth 1:3, 4.