GURUY NI 02
Be Pi’ e Bible e L’agan’ Ngodad
Boor e girdi’ ni yad ma mada’nag boch e magawon ni ma k’aring e kireban’, nge magafan’, nge amith nga lanin’rad. Bay ban’en ni ke buch rom ni ke k’aringem ni ngam lem ni aray rogon, fa? Sana rayog ni ga be gafgow ni bochan e kam m’ar, ara ke yim’ be’ nib t’uf rom. Ere rayog ni nge lungum u wan’um, ‘Gur, bay ba ngiyal’ ni ku ra fel’ boch e par rodad?’ Bay e fulweg ko re deer ney u Bible nra pagan’uy ngay.
1. Uw rogon ni be pi’ e Bible e l’agan’ ngodad?
Be weliy e Bible fan ni boor e magawon ni gad be mada’nag. Ku be yog ngodad murung’agen fare thin nib fel’ ni aram e dabki n’uw nap’an ma ra chuweg Got urngin e pi magawon ney. N’en ni be micheg e Bible e rayog ni nge “pi’ e l’agan’ [ngom].” (Mu beeg e Psalm 119:49, BT.) Pi n’ey e ra ayuwegdad ni ngad athamgilgad u fithik’ e pi magawon rodad, ma gad pirieg e felfelan’ e ngiyal’ ney. Ku be micheg ngodad nrayog ni ngad pirieged e felfelan’ ndariy n’umngin nap’an.
2. Mang e be micheg e Bible nra buch boch nga m’on?
Be yog e Bible nra boch nga m’on ma “dab ku unim’, ma dab ki i kireban’uy, ma dab ku un yor, ma dab ku un amith.” (Mu beeg e Revelation 21:4.) Ra boch nga m’on ma ra chuw boch e magawon ni be gafgow e girdi’ riy e chiney ni bod nder yag e tin nib t’uf ko par u reb e rran ngu reb, nge ngongol nde mat’aw, nge m’ar, nge yam’. Be micheg e Bible nra boch nga m’on ma ra par e girdi’ u Paradis u fayleng ndariy n’umngin nap’an u fithik’ e felfelan’.
3. Uw rogon ni nge mich u wan’um nra riyul’ e pi n’en be micheg e Bible?
Boor e girdi’ ni yad ma athapeg ni nge buch boch ban’en nib manigil, machane dar nanged ko ra riyul’ e pi n’em fa danga’. Machane ba thil e n’en be micheg e Bible. Faan gad ra ‘gay u lan e babyor nib thothup’ ni ngad nanged ko rriyul’ fa danga’, ma rayog ni nge mich u wan’dad e n’en be yog. (Acts 17:11) Nap’an ni ga ra fil e Bible, ma aram e rayog ni ngam dugliy rom ko nge mich u wan’um e n’en be yog u murung’agen e tin ra buch boch nga m’on fa danga’.
KUM FIL BOCH BAN’EN U MURUNG’AGEN
Mu fil murung’agen boch ban’en ni be micheg e Bible nra buch boch nga m’on. Mu guy rogon ni be ayuweg e pi n’ey e girdi’ e ngiyal’ ney.
4. Be micheg e Bible nrayog ni ngad pared ndariy n’umngin nap’an ndakuriy e magawon
Mu yaliy e pi n’en baaray ni be micheg e Bible. Tin ngan riy e ri ga baadag? Mang fan?
Mu beegew fapi thin nu Bible ni bay u tooben e pi n’ey ni kan micheg, mi gimew weliy e fulweg ko gal deer ni baaray:
-
Ga be lemnag ni be pi’ e pi thin nu Bible ney e athap ngom, fa? Rayog ni nge pi’ e athap ngak chon e tabinaw rom nge pi fager rom, fa?
Mu susunnag ni ga be par u ba fayleng ni
DARIY BE’ RIY . . . |
GUBIN E GIRDI’ RIY . . . |
---|---|
|
|
|
|
|
|
|
|
|
|
5. Pi n’en be micheg e Bible e rayog ni nge thilyeg rogon ni gad ma lemnag boch ban’en
Boor e girdi’ ni ke mulan’rad ara yad be par ni yad ba damumuw ni bochan e pi magawon ni yad be guy ni be buch u toobrad. Bay boch i yad ni ma guy rogon ni nge mon’ognag boch ban’en. Be micheg e Bible nra fel’ e par rodad boch nga m’on. Mu guy rogon ni be ayuweg e re n’ey e girdi’ e chiney. Mu yaliyew e re VIDEO ney, mi gimew weliy e fulweg ko gal deer ni baaray.
-
Mang boch ban’en nde mat’aw ni i buch ni i magawonnag laniyan’ Rafika ni faan kan dag yaan ko fare video?
-
Yugu aram rogon nde tal e pi n’ey, machane uw rogon ni ayuweg e Bible?
Pi n’en be micheg e Bible nra buch boch nga m’on e rayog ni nge ayuwegdad ni nge dabki mulan’dad, me yag nda athamgilgad u fithik’ e pi magawon rodad. Mu beegew e Proverbs 17:22 nge Roma 12:12, mi gimew weliy e fulweg ko gal deer ni baaray:
-
Faanra mich u wan’um e n’en be yog e Bible nra buch boch nga m’on, ma ga be lemnag nra fel’ boch e par rom e chiney, fa? Mang fan ni ga be lemnag ni aray rogon?
MA GAAR BOCH E GIRDI’: “Dabi riyul’ e pi n’en ke micheg e Bible nra buch boch nga m’on.”
-
Mang ni ga be lemnag nib ga’ fan ni ngam gay e mich riy ngam nang?
N’EN KAN FIL
Boor ban’en ni be micheg e Bible nra buch boch nga m’on nra yibnag e felfelan’ ngodad. Re n’ey e be pi’ e athap ngodad, ma be mon’ognag e par rodad e chiney.
Ngan Sul u Daken
-
Mang fan nib t’uf ni nge nang e girdi’ e pi n’en ke micheg Got?
-
Mang e be yog e Bible nra buch boch nga m’on?
-
Faanra mich u wan’um e n’en be yog e Bible nra buch boch nga m’on, ma uw rogon nra ayuwegem e chiney?
MU GAY MURUNG’AGEN
Mu fil rogon nra ayuwegem e athap rom u nap’an ni kam mada’nag e magawon.
Mu beeg rogon ni athap ko gabul nge langlath e rayog ni nge ayuweg e piin bay ba mit e m’ar rorad ndab ra golgad riy.
“Living With Chronic Illness—Can the Bible Help?” (Article ni bay ko website)
Nap’an ni ga ra yaliy e re music video ney, mag susunnag yaamed chon e tabinaw rom ni gimed bay u Paradis ni gimed ba felfelan’ ni bod rogon ni ke micheg e Bible.
Mu beeg murung’agen be’ ni ma guy rogon ni nge rin’ boch ban’en ni nge mon’ognag e par ko girdi’, nge rogon ni thil e yafos rok u nap’an ni fil e n’en be micheg e Bible nra buch boch nga m’on.
“I No Longer Feel That I Have to Change the World” (The Watchtower, July 1, 2013)