Kabuku kakuti “Onani Dziko Lokoma” kakulosya chenene malo gaŵagakolasile m’Baibulo. Mapuga mpaka gakamuchisye pakulijiganya mwakusokoka Baibulo. Baibulo jikusasala ya malo, misinda soni yilambo. Myoyo kukamulichisya masengo kabuku kamapuka, mpaka kwakamuchisye kuti kuŵalanga kwawo Baibulo kuŵeje kwakamuchisya. Konjechesya pelepa chikakamuchisye kuti ayiwoneje munganisyo mwawo yakuŵalangayo soni kumanyilila malo gele nganisyo syatendechelaga. Nambosoni chikakamuchisye kumanyilila kuti malo gakusagakolanga m’Baibulo gakwayasoni yakutendekwa ya m’Baibuloyo.

Mu kabuku kakuti “Onani Dziko Lokoma” mukusimanikwa mapu soni matchati ga malo gakulekanganalekangana. M’kabukuka mwanasoni yiwulili yayipanganyidwe pa kompyuta soni yindu yine yejinji yakwakamuchisya kuti kuŵalanga kwawo Baibulo kuŵeje kwakamuchisya.

Kabukuka chikakamuchisye

• kumanyilila maulendo ga Abulahamu, Isaki soni Yakobo

• kumanyilila litala liŵajendaga Ayisalayeli paŵatyokaga ku Iguputo kwawula ku Chilambo Chelaguchisye

• kumanyilila madela gaŵatamaga achimmagongo ŵa Ayisalayeli

• kukulola madela gaŵajesile Yesu paŵatendaga utumiki wakwe

• kukumanyilila ukulu wa dela ja mayimwene gakugakolanga m’Baibulo, kupwatikapo Babiloni, Gilisi soni Aloma

Mpaka akapate kabukuka mwalulele pa LAIBULALE JA PA INTANETI ja Watchtower