Ana ndaŵi sine akusaliwonaga kuti ali jikape? Naga yili myoyo, nikuti mpaka aganisyeje mpela muwaganichisyaga jwamasalimo juŵaŵechete kuti, “Ndili mpela chijuni chachili jikape penani pa msakasa.” (Salimo 102:7) Lunda lwakutyochela m’Maloŵe ga Mlungu mpaka lwakamuchisye kuti akaliwonaga kuti ali jikape.

•  Aŵeje pa unasi ni Mlungu

•  Aŵalanjeje Maloŵe ga Mlungu gagali gakulimbikasya

•  Amanyilileje ligongo lyakwe yindu yakusakala yikutendekwa

•  Aŵambaleje kulaga nganisyo ni yindu yiliyose

•  Akoleje achimjawo

•  Atendeje yindu yakulimbisya chilu

Pali jikape, yili yakomboleka kuŵa ŵakusangalala mwakuŵalanga Maloŵe ga Mlungu kuti ammanyilile chenene. (Mateyu 5:3, 6) Yindu yitatu yakuyichisyayi mpaka yakamuchisye kummanyilila Mlungu chenene.

• Baibulo ja pa Intaneti jajili ja kupikanika chenene soni jangasawusya kuŵalanga

• Kulijiganya Baibulo kwakukusatendekwa pa intaneti. Majiganyoga gakwakamuchisya ŵandu kupata kwanga kwa yiwusyo yakusosekwa mnope

• Mafidiyo gamwanamwana gagakusasala yindu yakusosekwa mnope yayili m’Baibulo

• “Kwanga kwa Yiwusyo ya m’Baibulo”—Yakusakangala kuwusya ŵandu

• “Asyasyeje Chikulupi Chawo”—Ngani syelesi sichakamuchisya kumanyilila yayatendechelaga achalume ni achakongwe ŵakalakala ŵaŵaliji ŵakulupichika

• “Ana Apali Juŵayipanganyisye?”—Ngani syelesi sikusasala yindu yakusalala yachilengedwe soni yayapanganyidwe mwakusimonjesya

Maloŵe ga Mlungu gakamuchisye ŵandu ŵajinji kuŵa ŵakusangalala. Pali jikape, awuwoneje kuti uli mpata ŵakuti aŵalanje Maloŵe ga Mlungu ni kuganichisya mwampaka agakamulichisye masengo paumi wawo. Mkanaŵalanje, akusosekwa kupopela kaje.—Maliko 1:35.

• Salimo 23:1-6

• Salimo 34:1-22

• Salimo 46:1-11

• Salimo 63:6-8

• Salimo 91:1-6

• Mateyu 6:25-34

• 2 Akolinto 1:3, 4

• Afilipi 4:6, 7

• 1 Petulo 5:6, 7

Yili yakomboleka kumalana ni yindu yayikwalagasya nganisyo naga akumanyilila ligongo iyakwe yindu yakusakala yikutendekwa soni yachachitenda Mlungu pakuyimasya yayikwalagasyayo.—Yesaya 65:17.

• Ligongo chichi Mlungu akundile kuti ŵandu asimaneje ni yipwetesi?

• Ana Maloŵe ga Mlungu gakusaŵecheta yamtuli pakwamba yilwele soni kukola chilu chambone?

• Ana ni chichi chachikulosya kuti tuli m’masiku gakumalisya?

• Ana achalume mcheche ŵakwesile pa mahachi ŵakwasala m’buku ja Chiwunukuko ali ŵani?

• Ana Uchimwene wa Mlungu uchitenda chichi kusogoloku?

Ngani syakuyichisyasi mpaka syakamuchisye kumalana ni kulagasika nganisyo ligongo lyakulipikana kuti ali jikape soni nikuleka ‘kudandaula.’—Mateyu 6:25.

• Yampaka tutende patukulagasika nganisyo

• Tuŵeje ŵakupilila

• Kulaga nganisyo ligongo lya yindu yakogoya

• Kulaga nganisyo pangani sya mbiya

• Yayikusiyalagasya nganisyo ŵachinyamata

Achimjetu ŵambone akusatukamuchisya kuti tuganisyeje chenene soni kukola chilu chambone. Akusaŵa ŵakusosekwa atamose kuti ngatukuwonegana nawo meso ni meso. Naga ali panyumba wawojo akusosekwa kwajimbila foni achimjawo kuti aŵechetane nawo. Yeleyi mpaka yikamuchisye kulimbisya unasi ŵetu ni achimjetu soni mpaka yitukamuchisye kupata achimjetu ŵanesoni. Ngani syakuyichisyasi mpaka syakamuchisye kupata achimjawo ŵambone soni ŵasyesyene.—Misyungu 17:17.

• Yakusosekwa kutenda kuti akole achimjawo ŵambone

• Yakusosekwa kutenda kuti akole achimjawo ŵajinji

• Yakusosekwa kutenda naga nganakola mjawo

• Akusosekwa kuŵa mundu jwakoloŵa magasa kwa achimjawo

• Akusosekwa kukola ndamo syambone kuti akole achimjawo ŵambone

Maloŵe ga Mlungu gakusasala kuti kutenda yindu yakulimbisya chilu “kukusapindulisya.” (1 Timoteyo 4:8) Pawuli jikape ni kutendaga yindu yakulimbisya chilu, ukusakola chilu chambone soni ukusaŵa jwakusangalala. Pali jikape pana yindu yampaka yakamuchisye kuŵa ŵakusangalala.

• Aŵambaleje ndamo jakwamba kutama ngatenda chilichose

• Atendeje yindu yakulimbisya chilu