Ana Ŵani Kusyesyene Jwakulamulila Chilambochi?
Ana mpaka aŵe . . .
-
Mlungu?
-
ŵandu?
-
kapena pana jwine?
YAJIKUSASALA BAIBULO
“Jwakusakala akulamulila chilambo chosope.”—1 Yohane 5:19.
“Mwanagwawo Mlungu ŵawonechele ni chakulinga chakuti ajonanje yitendo ya Satana.”—1 Yohane 3:8, Malangano Gasambano.
ANA YELEYI YIKUTUKWAYA CHAMTULI?
Yikutusalila ligongo lyakwe pana yipwetesi pachilambo.—Chiwunukuko 12:12.
Yikutukamuchisya kulupilila kuti chilambochi chichiŵasoni chambone.—1 Yohane 2:17.
ANA YISYENE TUKULUPILILEJE YAJIKUSASALA BAIBULO?
Elo, pamagongo gatatu aga:
-
Ulamusi wa Satana chachiwujonanga. Yehofa ali jwakusimichisya kumasya ulamusi wa Satana. Jwalakwe asasile kuti ‘chamjonanje Satana,’ ni kulinganyasoni yosope yasakesye Satana.—Ahebeli 2:14.
-
Mlungu asagwile Yesu Klistu kuŵa jwakulamulila chilambo. Yesu ali jwakulekangana mnope ni jwakulamulila jwa chilambochi jwali jwangalwe, soni jwakulinonyela. Pakusala ya ulamusi wakwe, Mlungu ŵatite: “chachimtendela chanasa jwausawuchi ni jwakulaga . . . chachakulupusya kwa ŵandu ŵakwalagasya soni ŵangalwe.’’—Masalimo 72:13, 14.
-
Mlungu ngaŵa mkulambusya. Baibulo jikusaŵecheta mwakupikanika kuti: “Mlungu ngaŵa kose jwakulambusya.” (Ahebeli 6:18) Yehofa pasasile yindu, yikusaŵa mpela ayitesile kala! (Yesaya 55:10, 11) “Jwakulamula jwa chilambo chapasi chino tachiponyegwa kusa.”—Yohane 12:31.
YAKUSOSEKWA KUYIGANICHISYA
Ana chilambochi chichiŵa chamtuli pachachimtyosya Satana?
Baibulo jikusajanga chiwusyochi pa MASALIMO 37:10, 11 soni pa CHIWUNUKUKO 21:3, 4.