“Ɣâla . . . a pâi díŋɛ́i ya kélee kɔ́ɔ̂i díŋɛ́i, nyaŋ saa-mɛni, mɔ̃lɛ-laa, wɔlɔ, kpaa máŋ mɛni-soli, fé ŋɔ́nɔ pa kɛi naa.”​—M̀ɛni-lɛɛi 21:​3, 4, Contemporary English Version.

Ya pâi gɔ́lɔnîi à gɛ́ɛ Ɣâla fa pa a mɔ̃lɛ-laa núu pɔ.​—Zĩi 1:​13.

Ílíi a pâi nɛ̃ɛi kpɛ́ni fêi, Ɣâla a berei káai ya mɔ̃lɛi lai nyaŋ gbaaŋɔɔ̂i ímɛni ma.​—Zɛkɛrâya 2:8.

Kili-kɛ-zu a pâi kɛ́i íyêei à gɛ́ɛ mɔ̃lɛ-laa a pâi kpɛɛi.​—Ŋule-wooi 37:9-11.

Ôowei, mɛni-ŋuŋ feerɛ mɛni ma:

• Ɣâla fé mɔ̃lɛ-laa da wôya-mɛni wɛ́li-ni. Íkili-ŋa sia I bîlaŋ Eezuɛ-ŋai dítãi ma, berei è soli la Ziova ma tãi nûa díkɛ ŋɔnûai mɔ̃lɛi lai. Ŋâla-kɔlɔi è mò nyɛɛi, Ɣâla líi è too pôlu kpɛ́ni fêi “dikɛ tûa nyɔ́mɔɔ-ŋa kɛ́i a ŋɔnûai.”​—M̀ɛni-saa ɓó-ɓelai 2:​18, New World Translation.

  A soli Ɣâla ma a ŋánaa a nûa káa mɛni nyɔ́mɔɔ kɛ́i a díɓarâŋ. Gɔɔŋ-maa ɓa m̀ɛnii Ŋâla-kɔlɔi è m̀o nyɛɛ, “diai díyée káa núu paa mɛni sui” di ɓɛlɛ kpɛɛi Ziova koi.​—Táre-woo-ŋa 6:16, 17.

• Ɣâla kpaaŋɔɔ̂i kúmɛni ma tɛ́itɛi. Ziova è núu-kpune ŋɔmɛni-solii da ŋɔmɛni-kpɔlui kɔ́lɔŋ é tɛɛ la dia kpîŋ dîa!​—2 Kɔlɔnikɔ 6:​29, 30.

  Tãi kpua yée mu, Ziova a pâi mɔ̃lɛ-laa kpɛɛi núu kélee ma tɛ́itɛi ŋɔkâloŋ-laai sârai. (Maafîu 6:​9, 10) Kɛ́lɛ, sâa, diai ŋwɛ̂lii dí nĩ̂a-mɛni kɛ́i, a díŋa-nɛnɛ.​—Dikɛ-mɛni-ŋai 17:27; 2 Kɔleŋtiɛŋ-ŋai 1:3, 4.