GƆLƆ KPINIŊ 9
Ká Íkaayɔɔ̂i Ka Ɣâla-mɛni kɛ Gîe Ma
“Ka ǹúui fɛ́li nyíi Ɣâla-taa kpɛ̂tɛ da ǹɔii.”
Yɛ̂ɛ berei yaâ m̀aa-kɔ́ri la gɔlɔ-kpuai ŋí sui, lia-woo támaa káa Ŋâla-kɔlɔi su nyii a pɔrii kpɔŋ maa tɛɛi ka íkaayɔɔ̂i kápɔ. Ziova a ŋwɛ̂lii ílii e kɛ́ a nɛ̃ɛ. E gono-tee à gɛ́ɛ ka maa mɛni pu fulɔi, “gɛ̀ ní, zãâi ŋí kélee a pâi kɛ̂i a kápɔɔ.” (Mâafiu 6:33) A ŋwɛ̂lii kpɔ́ ikɛ a naoi. Kɔ́ a gbanáŋɔɔ I nao-laai ka Ziova káloai, su kpanáŋ. Nyíŋi káa a mɛni lɛ́lɛɛ kpɛɛ pôlu à gɛ́ɛ núu e gɛ̀.
1 KÁLÀO-LAAI SU KPANÁŊ KA ZIOVA
LÉ ƁÉ ŊÂLA-KƆLƆI È MÒI: “‘ŋa pâi kɛ̂i a kánâŋ, káaŋ ka pâi kɛ̂i a ńônii-sinaa da ńônii-nɛyaa,’ ŋwála-wala kélee-Nuu-namui ɓa nyíŋi ɓò.” (2 Kɔleŋtiɛŋ-ŋai 6:18) Ɣâla a ŋwɛ̂lii íkɛ a naoi. Ɣâla-fɛliɛ ɓa m̀ɛnii ŋuŋ-ŋai dɔnɔ nyii à gɛ̀ kú lɛɣɛ a Ɣâla. Ziova a ŋwɛ̂lii à gɛ́ɛ kú “vɛli a tãi kélee.” (1 Tɛsɛlôniɛŋ-ŋai 5:17) A ŋwɛ̂lii ŋɔ́nɔ kú kúlii su da kúkili-ŋa mɛni ɓó ma. (Felêpiɛŋ-ŋai 4:6)Ka íkaayɔɔ̂i ka Ɣâla-fɛli gîe ma, da pâi gáai à gɛ́ɛ Ɣâla maa mɛni káa ílii su a gbanáŋɔɔ.
E tee nyíŋi ma, maa nɛ̃ɛi I íwóli tɔ́ɔ mà. Ya pɔri íwóli tɔɔ̂i Ɣâla ma à kɛ̀ ya Ŋâla-kɔlɔi lòno, da Ŋâla-kɔlɔi sukula kɔlɔ-kpua-ŋai. (Ŋwule-woo-ŋai 1:1, 2) Íkili-ŋa-sia I bîlaŋ m̀ɛni-ŋai ma yaâ maa-kɔ́rii. (Ŋwule-woo-ŋai 77:11, 12) Ya ŋɔ́nɔ pɔri íwóli tɔɔ̂i Ɣâla ma à kɛ̀ ya lì Ŋâla-koyâŋ kélee su.
Ya pɔri ka Ziova kálao-laai su kpanánii à kɛ̀ ya lono nûa pɔ é pîlaŋ mà. À kɛ̀ ya gɛ tí, ya pâi lɛɣɛi a Ɣâla.
LÉ ƁÉ YA PƆRI GƐI:
-
Ka tãi lɛ́ à gɛ́ɛ ka Ŋâla-kɔlɔi maa-kɔ́ri gîe ma, da Ɣâla fɛliɛ
-
Ka íkaayɔɔ̂i ka Ɣâla maa mɛni pu fulɔi ká kɛ́-ɣéniɛi su e tɛɛ la kánî̃a-kɛɛ ma
2 KA ÍKAAYƆƆ̂I KA ƔÂLA MAA MƐNI MAA-KƆRI GÎE-MA
LÉ ƁÉ ŊÂLA-KƆLƆI È MÒI: “Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa.” (Zẽe 4:8) Ka tãi lɛ́ à gɛ́ɛ ka íkaayɔɔ̂i ka Ŋâla-kɔlɔi maa-kɔ́ri gîe ma. (Zɛ̂nɛse 18:19) E tee nyíŋi ma, mɛni támaa káa nii naa à gɛ́ɛ ka gɛ̀. Ka Ɣâla maa mɛni maa-kɔ́ri a fólo kélee. Íkaayɔɔ̂i ŋɔwɛli-kɛ-maai su kpanáŋ Ziova mɛni ma. Ya pɔri gɛi tí à kɛ̀ ya kɛ lonoi íkaayɔɔ̂i pɔ é pîlaŋ Ziova ma “tãi ka kɛ̀ seeni la kápɛ́rɛ-ŋai lai, ka kɛ̀ siai bere-ŋai su, tãi ka kɛ̀ laa-ni lai, da tãi ka kámu siɣe lai.” (Dùtulɔnémé 6:6, 7) Kɛ́ yɛ̂ɛ Zâsuɛ nyii mò nyɛɛi: “mɛni a kpera ḿâ, kwa ŋá ǹûai, kwa pâi tíi kɛ̂i Ziova mì.”
LÉ ƁÉ YA PƆRI GƐI:
-
Ɣâla-mɛni lɛ́ íkaayɔɔ̂i ma a tãi kélee. Kɛ́lɛ, e lɛɛ íkili-ŋa à gɛ́ɛ íkaayɔɔ̂i su ɓela díkaa tɛɛi mɛni takpɛ́ni-takpɛni-ŋa su a ɣele kélee; mɛni ma, maa nɛ̃ɛi zɛŋ ka pâi maa-kɔ́rii e kpɔŋ maa tɛɛ di kélee dípɔ tɛi-tɛi dílaa-lai su e kpanáŋ Ziova kponoi
