Vavolombelon̈o Jehovah ravoravo mikaiky anao hianatra Baiboly. Ten̈a mahomby fianaran̈a io fotony izio man̈ampy anao:

•   Hanan̈a fiain̈ana sambatra

•   Hanjary kamaradiny Zan̈ahary

•   Hahay raha ampan̈antinainy Baiboly aminy amaray

Ho hitanao ato

•  Karakory ma fianaran̈a Baiboly zen̈y?

•  Izio ma man̈efa mianatra Baiboly io?

•  Mahadin̈y firy lera ma fianaran̈a io?

•  Ino raha mila ataoko?

•  Mety ma izikoa man̈ano indraiky antsendriky hizahavan̈a izy?

•  Izikoa zaho man̈eky hianatra Baiboly, dikanizen̈y ma zaho tsy maintsy manjary Vavolombelon̈o Jehovah?

•  Zaho ma mahazo mampiasa Baibolinaka?

•  Zaho ma mety mitaon̈o olo hafa amy fianaran̈a io?

•  Izikoa zaho efa nianatra Baiboly taloha, zaho ma mbala afaka mimpody mianatra ndraiky?

•  Izio ma misy fomba hafa afaka ianaran̈a Baiboly, fa tsy mila papianatra?

 Ho hisy papianatra Baiboly araiky han̈ampy anao hahay raha koran̈iny Baiboly io. Ke hidinihin̈y isaka fotokevitry izio. Boky Mankafiza Fiain̈ana Tsisy Farany! ampiasain̈y amizio. Ho hainao tsihelihely ino raha ten̈a ampianariny Baiboly, ndreky karakory fomba mety han̈ampianizio anao. Zahava baka video ty izikoa mbala tianao hahay raha maromaro momba fianaran̈a io.

 Ehe. Zahay man̈araka raha nivolan̈iny Jesosy tamy pianatranany in̈y: “Man̈ameza maimaimpoan̈a, fotony anaro nahazo maimaimpoan̈a.” (Matio 10:8) Iro olo mampianatra Baiboly aby io tsy karamain̈y, salakady tsy man̈efa koa izikoa anao tihahazo Baiboly na boky Mankafiza Fiain̈ana Tsisy Farany!

 Misy leson 60 an̈atiny boky io. Anao fo mifidy karakory fomba tianao hankifan̈a iro io, na atao malakilaky na miadankadan̈a. Fa karaha ataony pianatra maro ziô, tiandro mankefa leson araiky na mandilatra zen̈y isaka herin̈iandra.

1.  1. Finoa fangatahan̈a hianatra Baiboly aminy Internet. Iro fan̈azavan̈a hamezanao mombamomba anao io, hampiasainay hifandraisan̈a aminao, mba hamalian̈a fangatahan̈anao.

2.  2. Hisy papianatra Baiboly araiky hikoran̈a aminao. Papianatra Baibolinao io han̈azava aminao raha mombamomba fianaran̈a Baiboly ndreky hamaly fan̈ontanian̈anao jiaby.

3.  3. Anao ndreky papianatra Baibolinao io man̈ano programo. Fianaran̈a io mety atao amy toeran̈a araiky, na amy telefony, appel video, mesazy, na e-mail. Matetiky koa izio mahadin̈y lera araiky iô, fa arakaraka programonao fo, na atao lavalava na atao fohifohiky.

 Ia. Finoa fangatahan̈a hianatra Baiboly aminy Internet ao. Izikoa fa misy papianatra Baiboly mikaiky anao, ambarà izy fa anao tihan̈ano indraiky fo antsendriky, misy ahitanao asa tianao izio sa karakory. Bokikely Mankafiza Fiain̈ana Tsisy Farany! misy leson telo hampiasain̈y amy zen̈y.

 Ehe. Tiany Vavolombelon̈o Jehovah mampianatra Baiboly olo, fa zahay tsy miforse olo han̈araka fivavahan̈anay zen̈y foeky. Zahay mikoran̈a ampan̈ajan̈a raha an̈aty Baiboly ao fo. Hainay baka fa olo jiaby samy afaka mifidy raha tiany inoan̈a.​—1 Petera 3:15.

 Ia. Mety ampiasainao lan̈iany fandikanteniny Baiboly tianao ampiasain̈a. Hainay fa ankamaraozanolo tia mampiasa fandikanteny efa mahazatra iro. Fa zahay ndraiky mifidy hampiasa Ny Soratra Masina​—Fandikan-tenin’ny Tontolo Vaovao, fotony izio mazava salakady marin̈y tsara.

 Ia. Mety mitaon̈o havan̈a na kamarady.

 Ia. Azo antoko fa ho tianao mare fomba fianaran̈a Baiboly izioty io, mandilatrany araiky taloha. Izio baka efa navaozin̈y, natao mifan̈araka tsara amy raha ilainolo amy zioty. Amizio ao misy sary ndreky video maromarony taloha, salakady amy fianaran̈a io koa anao hahavita hikoran̈a tsarabe hevitrinao.

 Ia. Ankamarozanolo tia mianatra miaraka amy papianatra Baiboly. Fa ndray zen̈y, misy olo sasany koa iro tompiny fo antsendriky mianatra amy voanalohany. Misy Fitaovan̈a Hianaran̈a Baiboly maromaro afaka ampiasain̈y amy zen̈y. Ty iro fitaovan̈a afaka man̈ampy anao:

•   Fianaran̈a Baiboly Aminy Internet. a Iro io mamaly fan̈ontanian̈a maventy sasany momba fiain̈ana, karaha ataony: Azovy ma Zan̈ahary zen̈y? Nan̈ino ma atsika mijaly, baka io nan̈ino ma misy raha ratsy? Mbala hadosony Zan̈ahary ma jaly io?

•   Video: Raha Ampianariny Baiboly. Video fohiky aby io man̈azava fampianaran̈a fototro amy Baiboly.

•   Fan̈ontanian̈a Valiany Baiboly. Lahatsoratra aby io mamaly fan̈ontanian̈a maro momba Baiboly.

•   Fanazavana Andinin-teny. Ho hitanao ao dikany andininteny ndreky volan̈a malaza an̈aty Baiboly ao.