Nan̈ino ma Vavolombelon̈o Jehovah Tsy Man̈ano Noely?
Raha matetiky volan̈inolo
Tsy marin̈y: Vavolombelon̈o Jehovah aby io tsy man̈ano Noely, fotony iro tsy mino Jesosy.
Ny marin̈y: Zahay mino Jesosy, fotony zahay Kristianin̈y. Zahay man̈eky fa baka amy Jesosy zaraiky fo hamonjiany Zan̈ahary atsika—Asan’ny Apostoly 4:12.
Tsy marin̈y: Anaro tsy tia havanaro, fotony anaro mampianatra fa tsy mety man̈ano Noely.
Ny marin̈y: Aminay tokantran̈o io raha masin̈y, ke zen̈y mahavy zahay man̈araka raha koran̈iny Baiboly fo, baka zahay jiaby tran̈o araiky mifankatia ndreky milamin̈y.
Tsy marin̈y: Anaro tsy man̈ano Noely, fotony anaro tsy mahatindry raha aminolo, tsy man̈ano asa soa.
Ny marin̈y: Zahay mahatindry raha aminolo fo isanandra. (Ohabolana 11:25; Romanina 12:18) Ohatra, zahay man̈ano fivorian̈a ndreky mampianatra Baiboly olo tsy ifain̈y vola, fotony Jesosy nivolan̈a karaha ty: “Anaro nahazo maimaimpoan̈a, man̈ameza maimaimpoan̈a koa.” (Matio 10:8) Zahay mandrisiky olo jiaby hanohan̈a Fanjakan̈any Zan̈ahary, fotony izio zaraiky fo hahavita hampiadan̈a olo jiaby an̈abony tany eto.—Matio 10:7.
Nan̈ino ma Vavolombelon̈o Jehovah tsy man̈ano Noely?
Jesosy nivolan̈a fa izy naty mila ankalazain̈y fa tsy izy teraka.—Lioka 22:19, 20.
Iro pianatra Jesosy aby io ndreky iro apostolinany aby io tsy nan̈ano Noely. Misy boky araiky, Rakipahizan̈a Katoliky Vaovao (angiley) mivolan̈a fa “tamy taon̈o 243 tan̈y nanomboko nisiany fankalazan̈a andra nitirahan̈a io”, efa ela be tafarany nifatesandro apostoly aby io.
Jesosy tsy teraka 25 Desambra zen̈y. Baiboly tsy mikoran̈a datinandra nitirahany.
Zan̈ahary tsy mankasitraka fankalazan̈a Noely, fotony izio baka amy panompo sampy.—2 Korintianina 6:17.
Nan̈ino ma Kristianin̈y tsy mety man̈ano Noely, ndray tsy tianolo?
Maro olo efa mahay fa Baiboly tsy man̈iraka atsika man̈ano Noely, fotony izio baka aminolo panompo sampy, fa iro mbala man̈ano fety io fo. Iro mety han̈ontany karaha ty: Nan̈ino ma Kristianin̈y tsy mety man̈ano Noely? Nan̈ino ma iro mila hiavaka aminolo jiaby?
Baiboly mivolan̈a fa olo manompo Zan̈ahary mila mandiniky tsarabe amy raha ataony. (Romanina 12:1, 2) Volan̈iny koa fa ilaintsika mahay ny marin̈y ndreky man̈araka izio. (Jaona 4:23, 24) Dikanizen̈y, izikoa atsika man̈araka raha koran̈iny Baiboly, atsika tsy mijery volan̈inolo zen̈y.
Zahay na tsy man̈ano Noely, zahay tsy mandrova olo mifidy han̈ano izio, fotony samy olo mifidy raha tiany hatao.
Mety ho Tianao Koa
RAHA MATETIKY AN̈ONTANIANOLO
Vavolombelon̈o Jehovah ma mba Mino Jesosy?
Zahava tsarabe fa Kristianin̈y jiaby mila mino Jesosy.
RAHA MOMBA ZAHAY
Nan̈ino ma Anao Tokony Hianatra Baiboly?—Video Lava
Baiboly man̈amia valiny fan̈otanian̈a manahiran̈a sain̈inolo maro erantany. Asa tianao koa hahazo valiny fan̈ontanian̈anao?
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.