Hain’i Jesosy tsarabe karakôry mijaly nohon’ny heloko bevava ndreky raha tsy rariny zen̈y. Izy ohatra nan̈odian̈a raha tsy nataony, nipopohin̈y kanefa tsy nandika lalàn̈a aby, nitsarain̈y ndreky nisazin̈y tsy amy rariny, aviô nampijalijalin̈y ndreky nivonen̈a. Izy ndray tsy nanan-tsin̈y izy tsy tia ten̈a, fa nan̈amia an-tsitrapô “ain̈inany hatao vidim-pan̈avaotan̈a hatao takalon’olo maro.” (Matio 20:28; Jaona 15:13) Efa Mpanjakan’ny Fanjakan̈an’ny Zan̈ahary izy iziôty. Ke ino raha mbala hataony? Teteky iô, izy hampanjaka ny rariny eran-tany, ke tsy ho hisy eky heloko bevava.​—Isaia 42:3.

 Han̈ano karakôry fiain̈ana izikoa raha zen̈y tantirahin’i Jesosy? Karaha ty volan̈in’ny Baiboly:

•   “Tsisy olo ratsy fan̈ahy eky; anao handiniky tany nipitrahany, fa izy efa tsy ao eky. Olo mpandefitry fo handova tany ty, ke ho ravoravo amy fiadan̈ana.”​—Salamo 37:10, 11.

 Akôry an̈aboahantsika fa ankasitrahantsika raha nataon’i Jesosy ndreky raha mbala hataony amintsika? Amy Lioka 22:19 ao, mpan̈ara-dia izy nirahin’i Jesosy hahatsiaro nifatesany. Zen̈y mahavy Vavolombelon̈on’i Jehovah miaraka mivory isaka taon̈o, izikoa fa mierin̈y andra nifatesan’i Jesosy. Ke mikaiky anao zahay hiaraka aminay hankalaza Fahatsiarovan̈a nifatesan’i Jesosy hatao amy dimansy 24 Marsy 2024.

Hitady Fahatsiarovan̈a