Alo Atsika Hianatra Tantara amy Baiboly
Tantara nandalo efa ela be ho hitanao ato, manomboko amy famoron̈ana ndreky tafaranizen̈y. Ho hita ato koa Jesosy teraka ndreky fitorian̈a nataony, baka io Fanjakan̈a io ho avy.
Taratasy Baka amy Filankevipitantan̈ana
Akory atao mampiasa boky?
Zan̈ahary Niasa Lan̈itry Ndreky Tany
Baiboly mikoran̈a fa Zan̈ahary niasa lan̈itry ndreky tany. Fa asa mba hainao azovy anjely namboariny talohany izy niasa raha hafa?
Zan̈ahary Niasa Lelahy Ndreky Man̈angy
Zan̈ahary nan̈amboatra lelahy ndreky man̈angy voanalohany, baka io iro napetrany tamy zaridain̈y Edena tao. Tiany iro hiteraka ndreky han̈ova tany jiaby hanjary paradisa.
Tsy Nan̈araka Volan̈a Zan̈ahary Adama Ndreky Eva
Nan̈ino kakazo araiky tamy zaridain̈y Edena tao tsy nitovy tamy kakazo hafa? Nan̈ino Eva nihina voanizio?
Neloko Izy ke Namono Olo
Tiany Jehovah raha namiany Abela, fa izy tsy tia raha namiany Kaina. Koa fa hainy Kaina zen̈y, neloko mare izy ke nan̈ano raha ratsy.
Sambofiarany Noa
Nanambady man̈angy tambony tany teto anjely sasany. Iro niteraka ke zanakandro fatatra be ndreky kafiry mare. Noa ndraiky tsy karaha zen̈y, izy tia ndreky nan̈araka volan̈a Zan̈ahary.
Olo Valo Fo Tsy Naty!
Nilatsaka tan̈aty 40 andra ndreky 40 alin̈y mahalen̈y tamy Safodrano. Nandilatra taon̈o araiky ry Noa nidoko tan̈aty sambofiara tao. Zan̈ahary amy zay nan̈iraka iro niboaka.
Tilikambony Babela
Olo niasa tanàna ndreky tran̈o matakatra lan̈itry. Nan̈ino nataony Jehovah tsy nifankahazo tampoko volan̈andro?
Abrahama Ndreky Saraha Nan̈araka Volan̈a Zan̈ahary
Nan̈ino Abrahama ndreky Saraha niala tamy tanànandro ke nandeha ta Kanana, kanefa nifindrafindra iro tan̈y?
Niteraka iro Tamy Farany!
Akory eky nataony Zan̈ahary nan̈atanteraka volan̈anany taminy Abrahama? Baka amy zanakanany azovy haviany zen̈y, Isaka sa Ismaela?
Tsarova Vadiny Lota
Zan̈ahary nandatsaka motro ndreky solifara mira mahalen̈y ta Sodoma ndreky Gomora. Nan̈ino tanàna aby io ravan̈a? Nan̈ino atsika mila mahatsiaro vadiny Lota?
Nanan̈a Finoan̈a Ankitin̈y Abrahama
Zan̈ahary nivolan̈a taminy Abrahama: ‘Indesa azafady, zanakanao araiky tokana io, ke ataova soron̈o amy bongo a Moria an̈y.’ Asa mba nanan̈a finoan̈a edy Abrahama?
Nahazo Lova Jakoba
Niteraka amban̈a Isaka ndreky Rebeka, Jakoba ndreky Esao an̈arandro tsaiky aby io. Esao talan̈olo, ke izy tokony ho nahazo lova manokan̈a. Nan̈ino raha zen̈y natakalony lantihy kapila araiky?
Nihavan̈a Jakoba Ndreky Esao
Karakory nataony Jakoba nahazo tsodrano taminy anjely? Baka io karakory nataony nihavan̈a ndraiky taminy Esao?
Andevo Nan̈araka Volan̈a Zan̈ahary
Olo nan̈ano raha tsara Josefa, kanefa nanjary nijaly mare. Nan̈ino?
Tsy Nadin̈any Jehovah Foeky Josefa
Ndray lavitry ry havany Josefa, Jehovah niaraka taminany fo.
Azovy ma Joba Zen̈y?
Izy nan̈araka volan̈a Zan̈ahary fo ndray tsy nora taminany zen̈y.
Mosesy Nifidy Hanompo Jehovah
Tsy naty Mosesy taminizy mbala tsaiky hely fotony nahita hevitry reniny.
Kakazo Nirehitry!
Nan̈ino kakazo hitany Mosesy io tsy nety nainy motro?
Antambo Telo Voanalohany
Navoa raha iro Ezipsianin̈y aby io fotony tsy nanetry ten̈a Farao ndreky tsy nan̈eky volan̈a Jehovah.
Iro Antambo Tsiota Fan̈araka
Ino raha tsy nampitovy iro antambo aby io tamindro telo voanalohany?
Antambo Fahafolo
Nalefany Farao foeky vahoaka, fotony ratsy mare antambo fahafolo io.
Fahagagan̈a Tamy Ranomasin̈y Mena
Farao tsy naty taminy antambo folo ta Ezipta in̈y. Ke naty ma izy tamy fahagagan̈a tamy Ranomasin̈y Mena in̈y?
Israelita aby io Nifanta Tamy Jehovah
Israelita aby io nifanta tamy Jehovah taminiro nitoby Bongo Sinay tan̈y.
Israelita aby io Tsy Nitana Volan̈andro
Nanota tamy Jehovah Israelita aby io, tamy Mosesy nahazo Didy Folo baka tamy Bongo Sinay.
Tran̈olay Masin̈y Fan̈anovan̈a Fanompoan̈a
Tran̈olay masin̈y io nisy vata misy fifan̈ikian̈a.
Iro Pitsikilo 12
Josoa ndreky Kaleba tsy karaha iro lelahy folo hafa niaraka tamindro nitsikilo tany Kanana io.
Nanohitry Jehovah Iro
Kora, Datana, Abirama, ndreky iro 250 lahy aby io nanjary nahay raha maventy momba Jehovah.
Nivolan̈a Borikiny Balama
Boriky io nahita olo, fa Balama tsy nahita izy.
Nifidy Josoa Jehovah
Nan̈amia toromariky Josoa Zan̈ahary, baka io mbala ilaintsika amizioty toromariky namiany Jehovah izy io.
Nasitriky Rahaba iro Pitsikilo aby Io
Rongana ribany tanànany Jeriko, fa tran̈ony Rahaba fo tsy rongana, ndray izio nipetaka tamy ribany tanàna io.
Josoa Ndreky iro Gibeonita aby Io
Josoa nivavaka tamy Jehovah: “Masoandra, aza mihetsiky io!” Nivaliany Jehovah ma vavakanany io?
Pitariky Vaovao Ndreky Man̈angy Aroe Tsy Navozovozo
Josoa koa fa naty, Israelita aby io nanompo sampy. Nijaly iro, fa nan̈ampy iro Baraka Pitsara, Debora paminan̈ivavy, baka io Jaela ndreky raha marangitry tamy tran̈olainany!
Rota Ndreky Naomy
Man̈angy aroe maty vady nimpody ta Israely. Boaza nahita Rota, Rota io araiky tamindro man̈angy aby io. Rota niasa tamy tanimbariny Boaza.
Resiny Gideona Midianita aby Io
Iro Midianita aby io nampijaly Israelita. Nangataka vonjy tamy Jehovah Israelita aby io. Vitsy hely tafiky Gideona, kanefa nandresy maramila 135 000. Karakory nahavitandro nan̈ano zen̈y?
Hana Nivavaka Baka Hiteraka Lelahy
Nindesiny Elkana tamy tran̈olay masin̈y tan̈y Hana ndreky Penina ndreky zanany. Nivavaka Hana tan̈y, izy nangataka baka hiteraka lelahy. Niteraka Samoela izy taon̈o araiky tafaranizen̈y.
Nifanta Tamy Jehovah Jefta
Ino fanta nataony Jefta, baka io nan̈ino? Nan̈eky zen̈y ma zanany man̈angy io?
Jehovah Nikoran̈a Tamy Samoela
Pisoron̈o tamy tran̈olay tao zanakany Ely Pisoron̈obe, kanefa tsy nan̈araka volan̈anany. Samoela ndray mbala hely, nisy jery mare, baka io nikoran̈a taminany Jehovah taminy alin̈y araiky zay.
Nataony Jehovah Fatatra Be Samsona
Nataony Jehovah fatatra be Samsona, hiady amindro Filistiny aby io. Nisamborindro Filistiny aby io izy izikoa fa tsy nandiniky tsarabe.
Somilany Panjakany Israely
Pitsara fo nitariky iro Israelita aby io. Iro ndraiky nitady panjaka. Saoly voafidy hatao panjaka. Nan̈ino Jehovah nanjary tsy tia Saoly eky?
Davida Ndreky Goliata
Jehovah nifidy Davida hatao panjakany Israely fan̈araka Saoly. Hita tamy raha nataony Davida fa tegna nety nifidianany Jehovah izy.
Davida Ndreky Saoly
Nan̈ino Saoly tsy tia Davida? Karakory fo nataony Davida?
Jonatana Tsy Navozovozo Sady Tsy Nivadiky
Pinaman̈a mare Davida ndreky Jonatana zanaka Saoly Panjaka
Nanota Davida Panjaka
Tsy nahay nanapakevitry Davida ke nialamboetry fianakavian̈anany.
Tempoliny Jehovah
Nikeny Zan̈ahary vavaka nataony Solomona Panjaka, namiany fahendrena izy, ndreky harian̈a maro.
Nirasa Aroe Fanjakan̈a
Maro Israelita tsy nanompo Jehovah eky.
Naboakany Jehovah fa Izy Ten̈a Zan̈ahary
Azovy Ten̈a Zan̈ahary? Jehovah sa Bala?
Jehovah Nankahery Elia
Mahavita mankahery anao koa ma Jehovah?
Velon̈o Zanaka Man̈angy Io
Nisy fahagagan̈a aroe nandalo tantran̈ony man̈angy io!
Nisazin̈y Panjakavavy Ratsy Fan̈ahy
Nan̈ano tetiky hamonoan̈a Nabota Jezebela, fotony izy tihangala taniny rezainy Nabota. Ratsy jery mare Jezebela. Hitany Jehovah aby raha jiaby zen̈y.
Jehovah Niaro Josafata
Koa fa nisy fahavalo nanafiky Joda, nangataka fan̈ampian̈a tamy Zan̈ahary Panjaka Josafata.
Maramila Ndreky Tsaiky Viavy Hely
Nivolan̈a tamy vadiny tomponany tsaiky viavy israelita hely io fa mahay man̈ano fahagagan̈a Jehovah.
Tafiky Jehovah
Nivolan̈a Elisa fa ‘ny miaraka amintsika maromaro.’ Akory nahitany piasanany fa marin̈y raha zen̈y?
Joiada Tsy Navozovozo
Nasaky nanohitry panjakavavy ratsy jery io pisoron̈o araiky tsy nivadiky.
Jehovah Nandefitry Mare Tamy Jona
Nan̈ino paminan̈iny Zan̈ahary araiky natelin̈y loko maventy? Karakory nahafaka izy tao? Ino raha nampianariny Jehovah izy?
Niaro Hezekia Anjeliny Jehovah
Nivolan̈a fahavalondro olo ta Joda tao fa tsy harovany Jehovah zen̈y vahoakanany. Kanefa tsy marin̈y volan̈andro zen̈y.
Josia Tia Lalàn̈any Zan̈ahary
Josia nanjary panjaka taminizy valo taon̈o, baka io izy nan̈ampy vahoakanany hanompo Jehovah.
Jehovah Nan̈iraka Jeremia Hitory
Nampaneloko iro antipan̈ahy aby io raha nivolan̈iny paminan̈y tanora io.
Ravan̈a Jerosalema
Nanompo sampy fo olo ta Joda tao, ke iro nambelany Jehovah ho resy.
Tsaiky Lelahy Efatra Nan̈araka Volan̈a Jehovah
Tapakevitry tsy hivadiky tamy Jehovah iro tsaiky lelahy efatra baka ta Joda aby io, ndray iro efa tamy tran̈ony panjakany Babylony tao.
Fanjakan̈a Hahadin̈y Mandrakizay
Daniela nan̈azava dikany nofiny Nebokadnezara sarotro be zay.
Tsy Nety Nankohoko Iro
Tsy nety nivavaka tamy sarivongana volamena nataony panjakany Babylony Sadraka, Mesaka, ndreky Abednego.
Fanjakan̈a Mira Vodindraha Be
Nebokadnezara nan̈inofy mikasiky raha hahazo izy.
Soratra Tamy Riba
Lera karakory soratra hafahafa io niboaka, baka io ino ma dikanizio?
Daniela Tan̈aty Lavaka Lion
Mivavaha isanandra karaha fataony Daniela!
Estera Namonjy Firenenanany
Jiosy Estera sady tsaiky kamboty, kanefa nanjary vadiny panjaka.
Ezra Nampianatra Lalàn̈any Zan̈ahary
Iro Israelita aby io koa fa baka nitandren̈y raha nivolan̈iny Ezra, iro nan̈ano vava tamy Zan̈ahary.
Ribany Jerosalema
Hainy Nehemia fa nan̈ano tetiky hanafiky Jerosalema fahavalondro. Nan̈ino ma izy tsy navozo?
Niteraka Elizabeta
Nan̈ino vadiny Elizabeta nivolan̈ana fa: ‘Tsy hahay hivolan̈a anao firaka zanakanao io teraka?’
Gabriela Mamangy Maria
Gabriela nivolan̈a vaovao nan̈ova fiain̈anany Maria.
Anjely aby io Nivolan̈a fa Teraka Jesosy
Niaraka iro piambin̈y ondrikondriky aby io naharen̈y volan̈andro anjely aby io, iro efa nan̈ano raha edy.
Jehovah Niaro Jesosy
Nisy panjaka ratsy fan̈ahy tihamono Jesosy.
Jesosy Mbala Hely
Ino ma raha nivolan̈iny Jesosy ke nahavy iro papianatra tamy tempoly tao gaga mare?
Jaona Nampioman̈a fa ho Avy Mesia
Jaona koa fa be nanjary paminan̈y. Izy nampianatra fa ho avy Mesia. Mba tianolo edy ma hafatra nindesiny io?
Jesosy Nanjary Mesia
Nan̈ino Jaona nivolan̈a fa Jesosy io Zanaka Ondrikondriky Zan̈ahary?
Devoly Nitsapa Jery Jesosy
Intelo Devoly nitsapa jery Jesosy. Ino aby fakampan̈ahy telo io? Akory nataony Jesosy?
Jesosy Nan̈adio Tempoly
Nan̈ino Jesosy nandroaka biby aby io tambelan̈a tempoly tan̈y ndreky nandrongana latabatranolo panakalo vola aby io?
Man̈angy Tamy Vovo
Gaga man̈angy samaritanin̈y araiky koa fa nahita Jesosy nikoran̈a taminany. Nan̈ino? Ino raha nivolan̈iny Jesosy taminany kanefa mbala tsy nivolan̈iny taminolo hafa?
Jesosy Nitory Momba Fanjakan̈a Io
Nirahiny Jesosy hanjary “pan̈arato olo” pianatranany sasany. Izy koa nampiofan̈a pianatranany 70 hitory vaovao tsara, tafara tatỳ.
Jesosy Nan̈ano Fahagagan̈a
Zay tany nimboany Jesosy, olo marary nan̈aton̈o Jesosy hitahany, ke iro jiaby janga. Izy koa nahavita namelon̈o tsaiky man̈angy hely efa naty.
Jesosy Nifidy iro Apostoly 12
Nan̈ino Jesosy nifidy iro? Azonao onon̈o an̈arandro?
Toriteny Tan̈abony Bongo
Jesosy nampianatra vahoaka raha ten̈a mahatsara.
Jesosy Nampianatra Pianatranany Hivavaka
Ino aby raha nivolan̈iny Jesosy fa mila angatahiny pianatranany fo?
Jesosy Nan̈amia Hanin̈y Olo Andrivony
Nan̈ano fahagagan̈a Jesosy. Ino raha ianarantsika momba Jesosy ndreky Jehovah baka amy zen̈y?
Jesosy Nandeha Tan̈abony Rano
Akory eky nivolan̈iny apostoly aby io koa fa nahita Jesosy nandeha tan̈abony rano?
Jesosy Nitaha Olo Taminandra Sabata
Nan̈ino nisy olo tsy ravoravo koa fa nitaha olo Jesosy?
Jesosy Namelon̈o Lazarosy
Nitomoan̈y koa Jesosy koa fa nahita Maria nitomoan̈y. Nanjary haravoan̈a raha zen̈y baka tio.
Sakafo Harivany Tompo
Jesosy nampianatra apostoly aby io raha maventy, taminiro niaraka nihina farany.
Jesosy Nisamborin̈y
Nitariky vahoaka nitondra sabatra ndreky kobay Jodasy Iskariota. Iro navy handeha hanambotro Jesosy.
Petera Nan̈ano Tsy Nahay Jesosy
Nisy nino tandakorony Kaiafa? Ino raha nandalo tamy Jesosy tan̈aty tran̈o tao?
Jesosy Naty ta Golgota
Nan̈ino Jesosy nambelany Pilato hivonen̈a?
Nivilomin̈y Jesosy
Ino raha nahalany fan̈ahy nandalo tafarany namonoan̈a Jesosy?
Niboaka Tamy Pan̈arato aby io Jesosy
Ino raha nirahiny Jesosy nataony pan̈arato aby io?
Nimpody Andan̈itry an̈y Ndraiky Jesosy
Talohanizy nimpody tandan̈itry tan̈y, mbala nisy raha maventy nampianariny Jesosy pianatranany.
Nahazo Fan̈ahy Masin̈y Pianatra aby Io
Ino raha nanjary haindro pianatra aby io, iro koa fa nahazo fan̈ahy masin̈y?
Tsisy Raha Nahasakana Apostoly aby Io
Iro pitariky fivavahan̈a namono Jesosy in̈y mila hisakana apostoly aby io, baka iro tsy hitory eky. Mbala nitory fo iro apostoly aby io.
Jesosy Nifidy Saoly
Saoly farandraha nan̈enjiky Kristianin̈y eky, fa izy niova.
Nahazo Fan̈ahy Masin̈y Kornelio
Nan̈ino Zan̈ahary nan̈iraka Petera nandeha tamy lelahy tsy Jiosy io?
Nahaimaro Olo Nanjary Kristianin̈y
Apostoly Paoly ndreky iro misionera aby io niaraka nitory firaka tamy tany farany lavitry.
Piambin̈y Gadra Nahita Fahamarin̈ana
Ino idirany demony, horohorontany, ndreky sabatra amy tantara ty?
Paoly Ndreky Timoty
Nisy lelahy aroe niaraka niasa. Iro kamarady mare ndreky nahay nifan̈ampy.
Paoly Nalefa ta Roma
Naro raha nanahiran̈a tamy dia io, fa apostoly io tody fo.
Raha Nambara Apostoly Jaona
Jesosy nan̈aboaka tamy Jaona fahitan̈a nifanesisesy momba raha mbala ho avy.
“Irarian̈a ho Avy Fanjakan̈anao”
Raha nambara apostoly Jaona momba raha hataony Fanjakan̈any Zan̈ahary, baka tany ty hanjary Paradisa
