Tran̈o Fivorian̈a momba Fanjakan̈any Zan̈ahary an̈aran̈a tran̈o ivorian̈ay, fotony raha jiaby ianaran̈a ao momba Fanjakan̈any Zan̈ahary aby. Izio fo ten̈a nikoran̈iny Jesosy taminizy tambony tany teto.—Lioka 8:1.

Izio tany anomponay Zan̈ahary. Ao andaminan̈a fitorian̈a atao amy tany araiky. (Matio 24:14). Izio tsy voatery tran̈o maventy be. An̈aty ao tsisy sary masin̈y. Amy tany sasany, fiangonan̈a maromaro mifandimby mivory amy Tran̈o Fivorian̈a araiky. Efa maro Tran̈o Fivorian̈a niasain̈y. Izikoa atao konty, Tran̈o Fivorian̈a dimy isanandra vitanay. Karakory ma ahavitanay zen̈y?—Matio 19:26.

Efa misy vola atokana iasan̈a Tran̈o Fivorian̈a. Vola jiaby amianolo in̈y alefa amy birony sampan̈a, hiasan̈a Tran̈o Fivorian̈a vaovao ndreky hankatsaran̈a ny efa vita.

Olo miasa Tran̈o Fivorian̈a io tsy karamain̈y. Amy tany maro, efa misy Ekipy Pan̈amboatra Tran̈o Fivorian̈a Momba Fanjakan̈any Zan̈ahary man̈ampy fiangonan̈a antoeran̈a, izikoa fa misy Tran̈o Fivorian̈a mila aorin̈y. Amy tany sasany ndraiky, misy rahalahy mahay fomba fiasan̈a tran̈o efa voatendry man̈aramaso fandehany fiasan̈a Tran̈o Fivorian̈a ndreky fikarakaran̈a ny efa vita. Misy koa olo mahay resaka fiasan̈a tran̈o man̈ampy antsitrapo. Ndray zen̈y ndraiky, olo jiaby amy fiangonan̈a miasa mare amy leranio. Angovo baka amy Jehovah ndreky fahazotoanolo miasa ahavitan̈a asa be karaha zen̈y.—Salamo 127:1; Kolosianina 3:23.

• Nan̈ino ma tran̈o ivorianay kahian̈a Tran̈o Fivorian̈a Momba Fanjakan̈any Zan̈ahary?

• Karakory ma ataony Vavolombelon̈o Jehovah miasa Tran̈o Fivorian̈a?