FAN̈ONTANIAN̈ANY TANORA
Karakory Eky Zaho Ao?
Nan̈ino ma anao miasaloha amy lamba sikininao? Fotony lamba io mivolandraha. Ino ma raha hita baka amy lamba sikininao?
Fandriky telo maventy ndreky fomba hialan̈a amizio
Fandriky #1: Man̈araka raha koran̈indro amy tele na radio.
Karaha ty nambarany tsaiky man̈angy araiky, Theresa an̈arany: “Misy fotoan̈a, tiako mare lamaody araiky miboaka, sirto izikoa fa maro piblisite momba izio. Ndraiky, jerinaka jiaby amy lamba io fo, fotony maro sarinolo man̈ano izio tavela an̈atiny jerinaka.”
Tsy tsaiky man̈angy fo voataon̈ony piblisite karaha zen̈y fa ndray tsaiky lelahy koa. Karaha ty nambarany boky The Everything Guide to Raising Adolescent Boys: “Ndray tsaiky lelahy koa mba maharaka lamaody. Rango iro mbala hely efa tahômindro pan̈ano piblisite aby io han̈araka lamaody miboaka.
Fomba hialan̈a amy fandriky io: Baiboly mivolan̈a: “Olo mora fitahin̈y, mino zay raha volan̈inolo aminany; fa olo mitandrin̈y ndraiky mandiniky tsarabe isaka izy han̈ano raha.” (Ohabolana 14:15) Ke izikoa fa misy piblisite miboaka, tsara anao mandiniky tsarabe. Anao koa ohatra mahita lamba mifin̈y na sexy amy piblisite, man̈ontania ten̈a karaha ty:
‘Azovy ma ten̈a hahazo benefisy izikoa zaho man̈araka lamaody io?’
‘Olo karakory ma ten̈a malaza misikiny izio?’
‘Zaho ma mba miran̈a amindro?’
Sosokevitry: An̈atiny herin̈iandra araiky, diniha tsarabe karakory piblisite na programo mikoran̈a momba lamaody io. Izio ma mandrisiky olo hanan̈a fomba fiain̈ana karakory? Piblisite aby io ma tihiforse anao ankolaka han̈araka lamaody aboakandro? Karaha ty nambarany tsaiky man̈angy araiky, Karen an̈arany: “Tianten̈a baka izikoa tsara mare sanjinten̈a. Tianten̈a ho hitanolo jiaby fa anten̈a ‘tsara forma.’ Raha zen̈y haindro pan̈ano piblisite aby io, ke tsisy dikany amindro foeky man̈antsory tanora.”
Fandriky #2: Man̈araka lamaody fotony mba tiho hita
Karaha ty ho manafolahy araiky, Manuel an̈arany: “Izikoa fa misy lamba mamalan̈a, olo jiaby man̈ano izin̈y. Ke anao koa tsy man̈ano, anao volan̈inolo edy.” Karaha zen̈y koa raha hitany Anna. Izy nivolan̈a: “Zaho tsy araiky tihaharaka lamaody in̈y fa zaho raha zisty tiho hita fo.”
Fomba hialan̈a amy fandriky io: Baiboly mivolan̈a: “Aza man̈eky hibolibolainy donia ty eky.” (Romanina 12:2) Ke zahava ndraiky lambanao jiaby, avio miniminia ty:
‘Ino ma ten̈a mahavy zaho mifidy lamba aby ty?
‘Ten̈a raha maventy aminaka lamba misy markinolo malaza, ke mifaty fomba jiaby zaho azahoako izio?’
‘Zisty tiho hita fo ma mahavy zaho mifidy lamba aby ty?’
Sosokevitry: Aza mihevitry fa aroe fo raha mety hifidinao: Na anao han̈araka lamaody (ke ho tiany namanao), na anao tsy han̈araka lamaody (tsy ho tiany namanao). Fa mbala misy safidy fahatelo koa mety hataonao: Anao matoky ten̈a, ke tsy mijery zay raha volan̈inolo. Izikoa anao matoky fa lamba sikininao io pare tsarabe, anao tsy hiasaloha eky ho tiany namanao sa tsy ho tiandro zen̈y.
Fandrika #3: Mihevitry fa lamba koa fa manaitry olo, zen̈y lamba tsara.
Karaha nivolan̈iny tsaiky man̈angy araiky, Jennifer an̈arany: “Tsy asitriko fa zaho misy lera zaho tihan̈ano lamba manaitry olo, ohatra lamba fohiky mare na maletry mare na lamba mifin̈ifin̈y.”
Fomba hialan̈a amy fandriky io: Baiboly mivolan̈a: “Sanjinaro tsy tokony ho raha ambelany fo, fa ... tokony ho toetry misitriky an̈atiny fônaro.” (1 Petera 3:3, 4) Aleva onon̈o ino raha ten̈a tokony hanaitry olo aminao: Lamba man̈antsory masonolo sa toetry tsaranao?
Sosokevitry: Lamba maotin̈y lamaody ten̈a tsara. Izio ndraiky tsy maro tia izikoa izioty edy. Fa kanefa diniha baka ty:
Asa anao efa navy nikoran̈a taminolo bikoran̈a mare, ke raha momba izy fo koran̈iny? Ny raha mampalahelo amy zen̈y baka, tsy an̈aty jerinany foeky fa izy tsy miasaloha aminao fa ninany fo hainy.
Fisikinan̈a io mira koran̈a fo, mety hisariky olo aminy ain̈inao izio fa tsy aminolo man̈odidin̈y anao
Tsisy ny hafa aminolo karaha zen̈y anao, izikoa tsy pare tsarabe lambanao. Anao koa baka man̈ano izio, anao karaha tihivolan̈a: ‘Aty zahava.’ Olo koa baka mahita zen̈y, iro hivolan̈a fa anao tsy matoky ten̈a avio ain̈inao tompiny fo hainao. Tianao aminao fo masonolo jiaby, firaka aminolo tsy parpare aby io.
Mifen̈a fo man̈ano lamba pare tsarabe, tozay han̈ano piblisite raha tsy alafonao aby. Karaha ty nivolan̈iny tsaiky man̈angy araiky, Monica an̈arany: “Dikany pare tsarabe zen̈y tsy lambany dady, fa lamba ahitanolo fa anao man̈aja ten̈a ndreky man̈aja olo man̈odidin̈y anao.”
Mety ho Tianao Koa
HEVITRY TANORA KARAHA ANAO
Nan̈ino Zaho Miasaloha Mare Momba Fahitan’olo Zaho Ambelan̈a?
Ianara akôry ataonao hifehy fihetseham-pônao.
HEVITRINY TANORA KARAHA ANAO
Ino Raha Volan̈iny Tanora Momba Sora Ndreky Vatan̈a
Nan̈ino mety ho sarotro amy tanora tsy hifantoko be loatra amy sora ndreky vatan̈andro? Ino raha han̈ampy iro?
