Fifan̈ikian̈a Momba Fampiasan̈a Cookies Ndreky Teknolozy Miran̈a Aminany
Ankamarozany tranonkala mampiasa cookies, web beacons, na teknolozy miramiran̈a amy zen̈y. Karaha zen̈y koa amy tranonkalanay ty. Ke mety hisy fan̈azavan̈a vitsivitsy avoakajy an̈aty telefoninao na tabletinao, na koa ordinateranao izikoa anao fa mizaha tranonkalanay. Maro raha mety tafiditry amy dikany “cookies” zen̈y amy Fifan̈ikian̈a ty ato, ke tafiditry amy zen̈y koa teknolozy miran̈a aminany, ohatra localStorage. Cookies io ilain̈a hampandeha tranonkala ty. Iro io koa man̈ampy zahay hahay raha ataonolo an̈aty tranonkalanay, misy hahazainay raha mbala mila hatsarain̈a. Fa ndray zen̈y, zahay tsy mitady hahay azovy aby olo tsiaraikiaraikky mizaha tranonkalanay ty. Olo tsiaraikiaraiky afaka mifidy na izy han̈amia raha mombamomba izy na tsy han̈amia, izikoa fa mameno fangatahan̈a na raha hafa amy tranonkalanay ty ato.
Cookies. Misy isankarazany Cookies io, baka io samihafa koa fomba fiasanizio. Iro io man̈atsara fampiasanao tranonkala. Zahay, ohatra, mampiasa cookies izikoa fa tianay ho hay asa anao efa nizaha tranonkalanay ty na koa baka hahaizanay ino raha safidinao izikoa fa mampiasa izity anao. Tavela an̈aty cookies ao volan̈a fidinao, ke lera anao man̈abian̈a tranonkala ty amy man̈araka, mbala volan̈a in̈y fo miboaka iô. Cookies io tsy hampiasainay han̈anaovan̈a piblisite.
Karazan̈a cookies ampiasainy an̈aty tranonkala ty ato mety sokajian̈a telo:
Cookies Ten̈a Ilain̈y: Iro io ten̈a ilain̈y hahafahanao man̈ano raha sasany an̈aty tranonkala ty ato, karaha ataony miditry amy kontinao na izikoa misy raha mila finoan̈a. Ohatra, izikoa tsisy cookies aby io anao, tsy afaka han̈ano fan̈amezan̈a. Baka amy sasany amy cookies aby io koa ahafahanay mamaly fangatahan̈a ataonao an̈aty tranonkala ty ato. Misy fan̈azavan̈a momba anao akajindro cookies aby io. Fa iro io fo tsy hampiasainay han̈anaovan̈a piblisite na hitadidiavanay raha jiaby nizahavanao taminy Internet tao.
Cookies Miasa amy Raha Ilavan̈a Izy: Cookies aby io ampiasain̈y baka hahavitany tranonkala ty hahatadidy ino raha nifidinao (ohatra momba solony an̈aran̈a, volan̈a nifidinao, na faritry misy anao) amy zen̈y ho moramora aminao mampiasa tranonkala ty.
Cookies Mizaha Sifra: Cookies aby io man̈ampy zahay hahay fomba ampiasanolo tranonkala ty, ohatra, impiry ma olo nitsidiky tranonkala ty na tan̈atiny firy lera. Raha zen̈y amy zay ampiasainay hankatsaran̈a fomba fiasany tranonkala ty. Izio tsy ampiasainay amy raha hafa ankoatranizen̈y.
Direkty tranonkalanay io fo mametraka iro cookies sasany an̈aty fitaovan̈anao ao. Tranonkala hafa ndraiky mametraka cookies hafa. Fa iro cookies apetrakanay aby io fo ampiasainay io, izikoa tsy cookies mifandray amy Google reCAPTCHA. Zahay mampiasa Google reCAPTCHA mba hahaizan̈a asa olo sa ordinatera miditry amy tranonkala io ao, baka direkty voasakan̈a tsy tafiditry ao spam. Zahava fifan̈ikian̈a momba sekireny Google amy https://www.google.com/intl/en/policies/privacy/.
Web Beacons. Pazy amy tranonkalanay mety hisy dosie elktroniky hely, web beacons an̈arany. Iro io, ohatra, mitadidy ino raha nataonao taminy anao nitsidiky pazy araiky. Web beacons io ampiasainay hahaizan̈a karakory fomba ampiasanolo tranonkala ty, ndreky fomba fiasanizity.
Adiresy IP. Adiresy IP zen̈y kaody ahaizan̈a ordinateranao aminy Internet ao. Baka aminy adiresy IP-nao ndreky programo fizahavanao Internet hahaizanay ino aby raha fataonao izikoa fa mitsidiky tranonkala ty, ndreky ino aby problemo hitanao tato, baka io karakory mety hankatsaranay tranonkala ty baka anao ho afapo tsarabe. Adiresy IP io fo hay fa tsy olo mampiasa izio, fa hafa ndraiky izikoa olo io man̈amia raha mombamomba izy.
Safidinao. Izikoa anao fa mizaha tranonkala ty, cookies-nay mandeha amy programo izahavanao Internet io, baka io izio akajiny ordinateranao. Matoa anao mampiasa tranonkala ty dikanizen̈y anao man̈eky hampiasa cookies ndreky teknolozy miran̈a amy zen̈y. Izikoa anao tihamafa iro io, afaka amboarinao paramètre-ny programo hizahavanao Internet. Kanefa tsarova fa izikoa fa tsisy cookies, manjary tsy mandeha tsara eky raha sasany amy tranonkala io ao. Miova arakaraka programo ampiasainao fomba famafan̈a cookies io. Zahava amy Fan̈ampian̈a amy programo io ao baka hahitanao fomba fan̈anaovan̈a zen̈y.
Mifidiana tranonkala araiky ambany ty hahitan̈a karakory fomba fampiasanay cookies aby io:
Zahava koa Fomba Fiasany Cookies Ndreky Teknolozy Miran̈a Aminany Amy Tranonkala Samihafa.